India ah Jailian Kaipeng akici naupangkhat amit lawtkhiagawp

India ah Jailian Kaipeng akici naupangkhat amit lawtkhiagawp

India gamsung ah Jailian Kaipeng akici naupangkhat pen amittang golsemsem in, damdam in khua mulo tektek cimawk hi. Hih Jailian Kaipeng ii apa pen Neirbanglal kici a, kum 28 phakhin hi. Anu pen Chengmaite kici a, kum 25 phakhin hi.

Jailian Kaipeng ii anu apa te’n nasep kician neilo ahih manin, atapa uh amit zatui hoihtak bawlzolo in, hihciang atung kici hi. Hih pen mit Cancer “Children’s eye cancer” khawng ahidiam, bang natna ahidiam cihpen ki theicianlo hi. Ahi zongin natna atuamdiak khat hiding kici hi.

Jailian Kaipeng pen asuahcil in bangmah natna omlo, cidamtak in asuak “healthy baby” khat ahihi. Ahi zongin khanih khawng aphak ciangin amitpen damdamin bawkin golsemsem cihi.

Tu’n Jailian Kaipeng pen kumnih hita a, amit pen bawkgawp in lotkhialiang hi. Amittang gollua mahmah ahih manin, amitzong mitsi theinawnlo ciliang hi.

Hihte innkuan pne North Eastern India, Tripura khuaneu khatah ateeng uh ahihi. Doctors te’n zato hoih, zatopi khatah kilak un ci’n sawl himahleh anu apa te’n sum neilo ahih manin, koimah ah hoihtak lakzolo uhhi.

Mite’n katapa uh hong muhsak uhciang in lauliang uhhi. Pawlkhat in lamdang salua in hong etsak gega uh a, tuabang hunciang in ka lungtang uh namahmah hi ci’n anu apa te’n genkhia hi. Ahi zongin zatui zaha bawlnading sum omlo himawk ahih manin, nalamdang “miracle” piangin adamdingbek aki ngak, aki lamen himai ci uhhi.

Khanih aphak in ataklam panin akipan masa, abawk masa hi a, tuapan in damdam in alanglam ah akilawhphei cihi. Amit sungah asan omin, tuapan in bawksemsem hi. Local Doctors te kiangah kilak in, ahi zongin anatna taktak agenthei omlo uhhi.

Related: India naupang lugolgawp khat aki atsaksawm laitak in sicitciat

Tuabang in Local Doctors te kiangah akilah uhciangin zatui pawlkhat piapong uh a, ahi zongin amit pen siasemsem, huaisia semsem hi. Anu apa te’n cihnading theilo in aomlaitak, hih naupang ahuhding hong omthei bilbel hi.

Tulaitak “Jailian Kaipeng Appeal” ci’n Online tungtawn in www.crowdfunder.co.uk ah huhna ki ngetsak hi.

Zatui kibawl nadingin Online ah £7,000 Target in Appeal kibawlsak a, ahi zongin tuni ciangciang £11,025 ki ngahsakkhin hi. Aki ngetsakzah sangin atamzawtham ngahkhinta a, tuni akipan ni 27 sung Online ah huhna ki ngetsaksuak laiding hi. Hih naupang in amit damsiangna angahding in lamen hang. Sawltak #zomidaily