Ih Mutna leh Hauhna: Hih laibu in hong huhtheihna

Ih Mutna leh Hauhna: Hih laibu in hong huhtheihna

Nalamdang a mu dingin kithawi in. Na deihpeuhpeuh na kiangah hong paitheih nading hih laibu in honglak ding hi. Tua na deihpen sum a hiaa, mi thunei khat hih ding a hiaa, lawm (numei, pasal) a hiaa, zahtakna a hiaa, mi thupi sakna ahizongin (bangbang ut in bangbang na deih zongin) a hun a cin ciangin nanga’ hong suak ding hi.

Hih bangaa hauhna pen leitung ngeina a hihi. Hih ngeina in leitungbup ah nasep tuamtuam a sem mite leh minam tuamtuam te tungah hauhna tungsak khin hi. Tua ngeina pen na pilna (education), na neihlelam (background) leh na kaam (luck) tungah kinga lo hi.

Tua pen a kisam pha penpen na sungtawng aa thungaihsutna sungah om hi.

Na kimlepam en lecin mi tawmno bek in a deihtaktak leh a paina (a ngimna taktak) a theihcian lam na mu ding hi. Lungsim sungah tupna (goal) omlo ahihmanin mite in a hoih leh a sia nangawn khentel thei nawnlo uh hi.

Tuabang mi na hihkhak phialleh zongh lunghimawh naikei in. Hihlaibu in nang hong kikhel sak ding hi. Na ki ngaihsutna sangin a hoihzaw tham na hihna ki phawk masa in. Sum tampi nei lecin koici zat ding cih na theihleh (Sum tam pi ka neih hangin ka zatna ding mahmah theikeng a cite pawl na hih kei leh) mitam pi te sangin a hoihzaw na hita hi.

Hih laibu a tawpdong na simsiat ma in nuntakna sungah na ngimna teltak in na thei ding hi. Na sungaa om pilna leh nangtaktak tawh na ki thuah theih zia ding na thei ding hi. Na sunglam (sunglam mi, sunglam pilna leh hatna) aa a kisel hatna leh septheihna te na mu thei ding hi.

Na hihna mantaktak tawh na kidimtheih nading, na

sungtawng dongah ki muanna na neih theih nading, mi dangte in zong nadeih nangah theih nadingin lungsimtakpi tawh hong huhtheih nading na thei ding hi.

Koici bangin a nuam mahmah gualzawhna mu in leh na kampauna leh na sepna khempeuh tawh tua gualzawhna na ngah theihna ding hong lak ding hi.

Na gualzawh nading taktak pen na sunglam (sunglam mi, sunglam pilna leh hatna) ii sep a hihi.

Hih laibu pen laisiangtho sung aa ‘mi khat in a ma lungsim ngaihsutna bangin a piang hi’ cih bulphuh hi. Ki khel hun a neilo, a mantawntung hiaa kammal tuamkhat in at ni ci leng ‘mi khat in a lungsim tawngdongah a koih thu banglian in piangkhia hi’ ki ci thei hi. Pumpi tawh a om lungsim na hikei aa lungsim tawh a kibawl pumpi a nei na hihlam ki thei masa in. Tua pen gualzawhna lampi ah kal masa pen a hihi.

Mihingte sungah ngaihsuttheihna nam nih om hi. Khatpen a pualam pilna hiaa tua pen muhna, zakna, khuttawh lawnna, a limna leh a gimnam pan in ki ngah hi. Tua pualam pilna pen nisim gamtatna sungah tulvei zavei kizangh in thupi mahmah hi. Tua pilna in nisim in hong gamtangsak- lai at, mi tawh kiho, phone mek cih te hong sem sak hi. Ni tak na ihmut ciangin tua pualam pilna ihmu hi.

A dangkhat pen ihmu ngeilo hi. Tua pen na sung tawng aa om pilna a hihi.

Tua na sunglam (sunglam mi, sunglam pilna leh hatna) tha in hong nungta sak a hihi. Tua in na sunglam ah a kisam penpen nasep te a hi: lungtang kisaina leh huihdikna te tavuan la hi. Na simal samal te gamtatna a neu pen dong in uk aa na pumtung nate nasepna tavuan la hi. Tua te bek hilo in nang leh na gamtatna, gamtat nadingin na khensat theihna te leh na sunglam deihna te taktak thei in hong uk hi.

W. Clement Stone in a sunglam pan in a lamdang mahmah lim khat mu (ngaihsun) kha hi. A mahleh a mah company lianpi khat a ukpa in ki mu hi. Nasepna khat i kipat theih nadingin sumlompi ki sam hi cih i thei hi. Sum lompi pen nasepna ah

haksatna a om ciangin hong beisak lo (hong lenkip) a hihmanin thupi hi. A hizongin hih mipa in tuabang in a mah le a mah a lungsim sungah a kimuh laitak in $100 val neilo hi. Tuin a hihleh $100,000,000 bang nei in a lian mahmah Insurance Company khat hong makaih ta hi.

Mi te lak ah hong lungdam sak, puan hoih hong silhsak, mi itna hong ngahsak, haksatna a zo, a nuamsa mahmah in hong nungtasak pen na sungtawng mi a hihi.

Hih laibu thulu in hong gensa mahbangin na ihmut kawm in na hauh theih nading honglak ding hi. Na sunglam (sunglam mi leh hatna) pilna kiangah thukhat (message) na ihmutkal in gen inla tua na genthu na sungtawngdong lut sak in. Tua thu in hunsawtpi laipek aa na sungaa om thu hoihlo te zongh hong phiatsak thei hi. (Hih bang in nasep na pen na ut hunhun in na sem thei hi. A hizongin na ihmut laitak pen hun hoih penpen a hihi.) Tua bek hilo in ihmut nuam in zongh na ihmu thei lai ding hi.

Tuabangaa sunglam (sunglam mi, sunglam pilna leh hatna) tawh kizop dan pen ol mahmah hi. Mi pawlkhat te in ni tawmno sungin sunglam pilna ii manphatna mukhia pah uh hi. Nitak khat bekbek in kilamdanna a mu zongh om hi. Na deih na ngah theihna dingin sawlding khat na neihlam na mu ding hi. Na ihmut kal in na sunglam ah bangthu gen ding na hi hiam? A masapen in hih laibu sungaa hong cih dan na sin masa in. Tua te in vangliatna leh a lamdang in na a septheihna ka theih sa a hihi.

Ahizongin a sawtlo in na utbangbang na gending hi. Lungsim sungaa lim (pictures) in na hawlnop penpen mawtaw na neih theih na ding, hoih na sak inn sungah na ten theih na ding, thupi na sak kipawlna te ah na kizop theih nadingin hong panpih thei hi. Na zat ding sum a kicingtakin hong piaktheih ban ah na lungdam nadingin na utbangbang in hong zangsak thei ding hi.

Na pualam kikhelna na sungtawngdong hong tun phot ding kisam hi. Na omom na mun pan in a kikhel dingin ki ngaihsun ta in. Lungsim damlohna, uplahna, ki gualleh sakna te hemkhia in. A hoihlam aa muhna, ki muanna, sepngamna leh septheihna

lamdangte nanga’ hong hita ding hi. Na gualzawh nading lampi tang in zai (straight and wide) mahmah ding hi. (aban zoplaiding) Ih Mutna leh Hauhna