Ih khan khiatna Inn thupi masa kei

Nupi khat a Tapa tawh USA gam sunga kumpite zumpi White house
Innkangpi sungah hong vak uh hi. Tua innkangpi sungah limki suang,
picture ki suang tampi lak ah Nupi nu in Abraham Lincoln suahna inn
leh White house lim a muhteh a Tapa in hih mu leh a lungsim a tupna
sang deuh ding cih khat ngaihsun ahih manin a Tapa hilh hi. A tapa in
zong a et leh a nu sangin a mitciim laizaw ahih manin Abraham Lincoln
inn lim leh innkangpi inn lim a ki suangte ki kal ah Lei( Bridge) a ki
zom khat mu hi. A nuta un a et uhleh tua Lei(bridge) lim nuai ah lai
ki gelh khat mu uhhi. Tua lai ki gelh penin, ” Tuni dongin hih
Lei(bridge) om lai hi”, cih lai ki gelh hi ci hi.

A thupi penpen ah, ” tuni dongin hih Lei(bridge) om lai hi”, cih
ahihi. A deihna in, bang mahlo inn panin ih khankhiat hangin kumpi
dong ki tung thei lailua hi cih ahihi.

Abraham Lincoln suahna innpen Singinn hoihlo khat ahihi. Amau pen mi
gen thei bangmah a neihlo innkuan ahihi. A tomin a nulehpa haulo pilna
neihlo cihna hi. Amah pen a melsia lai sawnsawn ahih manin lawm dingin
kua mahin deihlo hi. Sumzong tuahsia, a lawm ngaihnu in a ki ngaih lai
un sihsan, guallelna ahau mahmah pa hi. Haulo hi mahleh a pilna dingin
Lai sim hahkat mahmah hi. Laibu zong neihlo in midangte ah kawm
kawikawi lai hi. A laisimna ding Singtuah in tuatawh laisim hi. Kha a
tang hoihteh Kha tang nuai ah laisim hi. Mite lak ah zong ki hel ngam
mengmenglo mi zahkai mahmah khat ahihi. A hi zongin hanciamna neih
vilvel in, tupna neih in citak hi.

Ka pa haulo, laibu neih kei ung….hih bang tawh cik mah hunin mipil
ulian suak ngei kei ning cilo hi. Hanciamna leh cihtakna khah suahlo
ahih manin USA kumpi lak ah a sep khiatna leh ama tangthu a ciinhuai
leh a etteh tak cing pen ahihi. Minam ki deih danna aom sak nawnlo pa
ahihi. Singinn hoih hetlo, ei inn sangin sia zaw lai sung panin kumpi
dong a tungzo mipa khat ahihi. Ka khan khiatna niamlua ci se lo hi. Ka
nulehpa haulo pillo cilo in a tupna ah ki nga bek hi.

Abraham Lincoln tangthu panin thalak huai tampi om hi. Ka kumtamta in
kei adingin hun om nawn kei ci kha ken. Na tate zong lampi man hilh in
hanciam pihleng tua zong ih hun hoih khat hi aa, tua Lei(bridge) tung
a tawntawn hi pah hi. Tupna kician, ngimna ki cian a neih mi peuhmah
Pasianin tua Le(bridge) la khia nailo hi. Zomite adingin tua
Lei(bridge)ki dawh lai hi. Ih mabante namtui semsem hilo ahihiam.
Thahat in la hangin. Lung kia kei in. Na sikna, na hanciamna
ciangciang gual zawhna hong pia ding Jesus neih hihang. Paulap zong’
zong nawn ken aw…