Banghang a zawng~ Lengtong Pauno

Banghang a zawng~ Lengtong Pauno

Mizawng khatin Pasian kiangah: “Bang. hanga kei hizahtak a zawng mawk ka hiam?” ci hi. Pasian in: “Nang’… piakkhiatna lah neilo, piakkhiatdan lah theilo hi vecin”…

Mizawng: “Ke’n, piakkhiattheih ding bangmah neilo hiveng. Abang pia mawk ding?”… Pasian: “Alaisai!… mawk mawk. Kong piaksa thupha, piakkhiattheih ding nahau ngeel vele”…

(a) Na maitaiina piathei ciai. Na omdan tawh athangah, athalawp, alungnop theih nading cihte, piathei ciai.

(b) Nakam namuk tawh midangte’ lungkim nading, phatna pahtawina kamkhum kamnel kamzol pia lecin, angai aza te’n khumsa limsa in valhnop sa mahmah ding uh hiven. Kamsiam ngaidah le lamphei tawndah omlo pi e.

(c) Na sinlai kulthuukin midangte’ lungnop khamuan’ lungdam lungkim nading in, na sinlai lung siangtho tawh thupil lapil, na itna laigil te lakkhia thei hiteh.

(d) Na maimit heemlam bek nangawn in zong, na itna, na ngaihna, na khualna, na deihsakna te lakkhia thei mawk hiven.

(e) Natha nangal tawh zong, piakhiathei lakkhiathei lai.(Pa Suut in zong misi agal ciang ” Tha tang nacih sak uo” cibuang hiven.

Tua hi a, nang pen azawng hi peuhmahlo nahi. Na lungsim ngaihsutna na neuseek’ na niamkiatsak gawpna in, nang le nang azawnga hong ki musak hizaw himawk hi.

• Itna vawh(khahkhia) in. Itna mah na at ding hi.
• Nahih zawhzahzah’n huhna(panpihna) vawh (khahkhia) in.
• Nahih theihzah’n midangte’ lungdam lungkim nadingin nungta in.
• Na vawh bangbang, a atkik ding nahi hi.

Na teel ding thu nih om hi. 1. Na hihzawh zahzah tawh itna khualna deihsaknate lakkhia lecin, nakiim napaam a te’n zong damdamin itna khualna deihsakna mah hong nei ding uh hi. 2. Thudon nuamkei lecin hithei a, atheilo kineih lecin zong kingah hi.

Nasep nalahkhiat themcilik bek in zong, mitampite’ muhna ngaihsutna taangzai sak dinga, khat le khat ki-itna, ki khualna, ki deihsakna te ahoihlam vive kilawh in igam inam sungah ki khelna khan’tohna lianpi hong piang ding hi. Kawllai pana kong teikhiat kik hi. Ka lungdam. Munkhai’pa, Sianlenpu (Sian’sik Sauliim, Kalaymyo)