US ah Hurricane Irma huihpi hangin Electric mei angahlo 7.3 million bangpha
US gamsung aom State tuamtuam ahi Florida, Georgia, South Carolina, Alabama sungteng ah Hurricane Irma in nawkgawp ahih manin, Electric Power ngahlo in acimawh tampitak om cih Reuters pan kiza hi. Khuasung mipi te teenna inn leh sumbawlna Business avekin akigawm in mun 7.3 Million bangah Electric Power kisiacip cihi.
Electric Power asiatcipdiakna ahihleh Florida Power & Light’s Service Area sungteng hiphadiak cihi. Florida State sungah Electric Power Company alianpen ahi FPL leh NextEra Energy te genkhiatna ah Electric Power akisiacip munpen Sunday ni in 3.6 Million bang hi a, ahi zongin Monday ni in phadawm zawdeuh 3.5 Million ah kiamsuk cihi.
Florida’ Northern leh Central sungteng Electric Power apia Company khat ahi Duke Energy Corp te’n agenna ah amau piakna sungteng ahzong Electric Power asiapen 1.2 Million bang khangtovat cihi.
Hurricane Irma kici huihpi in Sunday zingsanglam in alauhuai ahat mahmah in akiciamteh Category 4 Storm tawh Southwest Florida sungteng nawkgawp hi. Monday zingsang ciangin huihhat pen damdam in kiamsuksam hi.
Video: Hurricane Irma hits Florida Keys | The New York Times
Tuapan in huihpi pen Southern Georgia lam manawh leuleu a, huihhatna pen naikhatin 60 miles (97 km) tawh nawkgawp hi ci’n U.S. National Hurricane Center te’n genkhia uhhi. Georgia State sung ahzong Hurricane Irma hangin Electric Power asiacip Customers 900,000 bang om cihi.
Related: Hurricane Irma huihpi hangin mi 23 sikhin, Florida aom te ki hemkhiasak
Hih Hurricane Irma huihpi nawkna hangin Caribbean kuamsung ah asi pen mi 34 phakhin kici a, US Florida Keys sungahzong mi 9 bang si cih ABC News pan kiza hi. Sawltak #zomidaily
Comment piaknop aomleh...