Kachin, Hpakant suangkhuk leitolh in avuknelhkhak misi 20 phatota

Kachin, Hpakant suangkhuk leitolh in avuknelhkhak misi 20 phatota

Myanmar, Kachin State sung aom Hpakant suangkhuak ah leitolh mencim “Landslide” hangin avuknelhcip misi pen mi 20 phakhinta cih MMTimes pan kiza hi. Rescue Team te’nzong misi azonpen khawlbawl photta uhhi ci’n Lower House Legislator khatin genkhia hi.

Pyithu Hluttaw MP for Hpakant U Tint Soe in agenna ah nung Friday ni in Hpakant suangkhuk mencipna hangin mi tampi in sihlawh hi. A geinai panin amukha Witness te genna tungtawn hileh leisai in avuknelhcip mi tampi omlaiding hi.

Ahi zongin guahtui tamlua in, mencim “Landslide” aki patkik khakding kipatau ahih manin, aki vuknelhte azonding in akipan Rescue Team tezong lauhuai ahih manin ki khawlsak phot hi ci’n U Tint Soe in zanni Sunday ni in genkhia hi.

Suangkhuk sungah misi 20 te lakah 16 tepen tuahsiatna aphual ah asipah vive hi uh a, adang mi 4 tepen zato kipuakman samin, ahi zongin zato panin zatui zaha Treatment akibawl kawmkawm in asi uh ahihi.

Tulaitak zato ah liamma tawh akikemlai cina mi 6 omlai uh cihi.

Khuasung mite “Local villagers” te genkhiatna ah mencim leisai in avukkhak pen mi tampitak leisung ah awkcip laiding uhhi ci’n genkhia uhhi. Hih suangkhuk panin aki paikhia “Mine Waster” sungah suangmanpha aomkhakleh ci’n azongdingin nisim in mi tultampi in adelh ziahziahden uh hi a, tuahsiatna apianciang inzong tualai munah mibangzah omding cihpen gencianding ahamsa dinmun ahihi.

Hih tuahsiatna apiankhit phetin Government officials, Civil Society Groups leh NLD Member te’n Rescue Team phuantawm uh a, mi mangthangteng azon akipanpah uh ahihi. ZD Sawltak #zomidaily

Video: Suangto te nasep, nuntakzia

Myanmar, Hpakant ah suangkhuk kicim leuleu, mi 17 sikhin

Myanmar, Kachin State sung aom suangmanpha akitawhna suangkhuk “Jade Mine” khat tuni Friday zingsanglam in kicim cih AFP pan kiza hi. Local Authorities te’n agenna ah sumtampi tawh aki vaihawmna Multi-billion dollar industry khatah leitolh mencim in mi avulhnelhkha ci uhhi.

Myanmar gampen suangmanpha “Green Gem” tampi apianna gamkhat hi a, leitung inzong suangmanpha tampi apianna “world’s top producer of the near-translucent green gem” in hong ciapteh uh ahihi.

Ahi zongin suangmanpha akitawhna suangkhuk te ah hoihtak, muanhuaitak dingin akisem ommello a, lauhuaithei mahmah hi.

Tuzingsang leitolh mencipna munpen Kachin State, Hpakant Township sungaom Wak Khar akicihna khuasung aom suangkhuk khat ahihi.

Local administrative officer Nilar Myint in agenkhiatna ah suangkhuk akitawh laitak in lei leh suang honkhat kicimsuk in, anuai ah suangmanpha zongin aom te avulhcipgawp hi ci’n genkhia hi.

Hih tuahsiatna hangin misi bekbek luang 17 ki mukhia khinta a, asilo ahi zongin aliamgawp agim mahmah mi 9 zong zato kipuak hi ci’n genbeh hi.

Hpakant suangkhuk pen tuahsiatna kizathei zelzel a, 2015 November khasung inzong suangkhuk kicim in mi 100 valtak in sihlawh uhhi.

Hih tuahsiatna apianlaitak in akihelkha Min Naung akici kum 30 aphakhin khatin agenkhiatna ah thakhatthu in leisai golpi hongki cimsuk in, keipen asuakta mialmialbek kahihi. Mi tampi vulhnelhcip in, asung ah mi tampi in sihlawh uhhi ci’n genkhia hi.

Tuahsiatna apianna khua ahi Wak Khar khuasung ah mipi akigawm in 50,000 bangin suangkhuk ah suangmanpha zongin Mining nasep asemding in ki gen hi. Wak Khar khuasung upakhat ahi Chit Kaung in agenkhiatna ah suangkhuk nasemte Safety aomtheih nadingin Company te’n suang atawhsak uhciangin Mining Law hoihtak azuihding kisam hi ci’n genkhia hi.

More: Galkidona akhawl nadingin Kachin, Myikyina khuasung ah mi 5000 in lungphona nei

Tuabang tuahsiatna lianpite banah nisimphial inzong tuahsiatna omthei zelzel a, mi tampi mahin sihlawhden uhhi.

Tuahsiatna aom ciangin asi Victim tepen nisim nektawm azong khialkhial tengmah hizawden sawnsawn hi. Company panin leisai adeihnawnloh anilkhiat sungteng apheklek tengin tuahsiat lawhthei gige uhhi. Sawltak #zomidaily