ZAM Thupuak :: 26 July 2015

UNHCR leh Kipawlna Makaite kimuh khopna

July 23, 2015 ni zingsang nai 9:30 pan 12pm ciang UNHCR-CDU makaihna tawh UN Conference hall ah kipawlna makaite kimuh khopna ki nei hi. Hih kimuh khopna sungah UNHCR-EDU pan pilsinna sangvai leh Malaysia gamah naungek suakte min khumna vai hong hawmsawn thei uh hi.

UNHCR Education Strategy 2012-2016

UNHCR ciaptehna ah2015Malaysia ah Refugee (kum 18-30) pilna nei pen 44,175 (74%) pha hi.

2.0% University leh Post University mansa
0.33% Technical Degree certificate ngahsa
3% Secondary Education mansa
68% Pre-school, Primary leh Secondary zo khinsa
27% Pilna nei, ahizong bang hiam apilna uh kithei lo.

Ngim leh Tupna

Refugee te’n a sang pilna siamna a sin theihna ding leh amau sungah pilna siamna sin athupitna khangsak semsem ding.

Lametna

⦁ 100% khangno te College leh University hoihpen tengah kahsak zo ding
⦁ 100% khangno te khutsiamna leh kivaak theihna ding nasep khat peuhpeuh sin theihna sangah kha zo ding.

Nasepna huam sung teng

1. International University of Malaya-Wales

⦁ UNHCR in International University of Malaya-Wales tawh 18 September in MOU a nuaia bangin thukimna na bawl uh hi.
⦁ Tulaitak in hih suaihkaaina hangin Refugee sangnaupang 4, IUMW ah sangkah thei uh hi.
⦁ Tuition Fee pen 30% kikhiamsuk a, tua banah sumbeina dang teng lakpan zong RM2000 kimapsak ding hi.
⦁ EMGS in a genna ah Refugee sangnaupangte’n a laisim uh a man uh ciangin passport neite tungah IUMW in Graduation Certificate pia ding hi ci hi.
⦁ Passport nei lo Refugee te’n laisim a zawh khit uh ciangin a mat ngah zah uh laidal in ngah ding uh hi. Certificate piak theihna ding UK a om University of Wales in a vaihawm laitak ahi hi.

2. Limkokwing University of Creative Technology

⦁ UNHCR in LIMKOKWING University tawh zong ni 9 December 2014 in MOU na suaikai uh a, tua tawh kizui in thukimna hibang in na bawl uh hi:
⦁ Refugee 100 khutsiamna sin dingin la ding uh hi.
⦁ Sam bawldan, Web & Interactive Design, Event Production cihte zong Refugee te sin theih dingin hong uh a, Diploma ngah sak ding uh hi.
⦁ 100% Tuition fee leh a bei dang teng zong khiam ding.
⦁ Ahizongin sang kah naupangte pen amau zattawm ding teng amau leh amau kisik ding hi.
⦁ Refugee naupang 30 la khin leuleu hi. Tuate pen sang kah kipan kuan ta hi.

3. University of Nottingham Malaysia Campus

⦁ UNHCR in University of Nottingham Malaysia Campus tawh zong ni 1 July 2015 in MOU tawh anuai a bangin kithukimna na bawl leuleu uh hi.
⦁ Refugee naupangte UNMC ah sangkah thei ding uh hi.
⦁ July kha in naupang lak na kipan uh a, September kha sungin Degree sin dingte lakna kipan leuleu ding hi.
⦁ 100% Tuition fee pen kikhiam hi. Ahi zongin amau kisap amau leh amau kisik ding a, kha khat in RM150 bang bei ding hi.
⦁ Refugee naupang UNMC a sangkahte in a laisim uh a zawh ciangin Zawhna Certificate ngah ding uh hi.

Adang pawlkhat zong ki hanciam laitak

Nirwana Education Group
Brickfields Asia College
Monash University Malaysia

Para – Professional Opportunities

⦁ Tulaiktak Manglai sinsakna (ELCs – English Literacy Class) mun 25 ah kihong hi. Sia 41 in laihilh in, kumcing khinsa mi 498 kah uh hi. Hih pen UNHCR te vaihawm mah ahi hi.
⦁ SELF-HELP Project in zong kha 3 sung manglai mangpau tawh anhuan meh huan sinsakna leh IT lam siamna zong vaihawm uh a, tualai ah Refugee khangno kum 15-24 kikaal teng kah thei uh hi.
⦁ Tua sangte a akah naupang hon khat in amau Certificate ngah uh tawh nasep muan huai ngah khin uh hi.
Hih tung a sangte ah kah ding na lunglut a leh ZAM zumpi panin hong vanpih thei ding hi.

Malaysia ah naungek suakte min khumna

(Birth Registration in Malaysia)
I. Normal Registration : Min khumdan ngeina
II. Delayed Registration : Aziakai minkhumna
III. Late Registration : Ahun laplo minkhumna
⦁ Naungek a suah zawh ni 14 sungin minkhumna akibawl leh sum bei lo hi.
⦁ Anuai a teng lakah khat peuh in Application (ngetna lai) bawl thei hi.
⦁ Naungek nulehpa
⦁ Nulepa tang vaipuak la pen
⦁ Naungek suahna tawh kisai a tel pen khat
⦁ Naungek nulehpa (naungek pen zawlta cih bang ahih kei leh).

I. Normal Registration bawlna ah a kisam laidalte
Naungek lampan a kisamte

⦁ Birth registration form,
⦁ Nausuahna zato pan in Siavuan/Siamahte theihpih/kipsakna laidal,
⦁ A nu zato akilahna laibu.

Naungek nulehpa lampan akisam laidalte

⦁ Naungek nulehpa leh thupuakpa IC/Passport/zato sung lut theihna lai
⦁ Naungek nulehpa sihna lai
⦁ Naungek nulehpa kiteenna lai/kikhenna lai.
Tua banah thupuakpa lampan akisam lai pen IC/Passport/zato sung luttheihna lai.

II. Delayed Registration of Birth bawlna

⦁ Naungek a suah zawh ni 15 pan 42 kikaal sungah naungek minkhumna
⦁ Sum piak ding zah RM5.

Akisam laite

⦁ Birth registration form,
⦁ Nausuahna zato pan in Siavuan/Siamahte theihpih/kipsakna laidal,
⦁ A nu zato akilahna laibu.

III. Late registration of Birth bawlna

⦁ Naungek a suah zawh ni 42 khit ciang minkhumna,
⦁ File lemkikna : RM5, Bawlsakna : RM10, Liausum RM50 sang tamzawlo ding.

Ngetna bawl dingte mi nih val hilo ding

⦁ Nulehpa,
⦁ Nu/pa leh nausuah a theihpih khat, hih tegel pen naungek sangin a tawm pen kum 15 upazaw himhim ding
⦁ Naungek nulehpa ding kimu zolo/si ahih leh hih nihte pen naungek tawh kinaina anei hi ding. Kum 21 tungsiah hi limlim ding, naungek sangin a tawmpen kum 15 a upazaw hiding
⦁ Hih nihte pen Naupang kepna thukhun (Child Protection Act 1991) tawh kituakin kikemsak ding.

Tukaal sung ZAM palaai te buaipih diak teng
Mat le hen lam buaipih teng:

⦁ Ciang Khawl Lun (Sawbua) leh Muan Pi (Ngente) a om kikan laitak.
⦁ Ai Zam Thang (Khampat), Mang Ngaih Tung (Tualzang) leh Kam Deih Khup (Tuitawh) te kimatna pan kitan khia thei.
⦁ Thang Sian Mung (Mualpi), Sungai Buloh ah, Zo Nun Thang (Kawlpi), Semenyih Camp ah ki buaipih laitak.

Damlo vai buaipih teng:

⦁ Thang Thian Eng (Vangva), UNHCR ah,
⦁ Thang Sawm Mung (Tuithang), Sg. Buloh zato ah,
⦁ Zam Pum Mang (Ngalzang), HKL zato ah,
⦁ No No (Singunau), ACTS ah ki buaipih.

ZAM pandahpihna

Thalmual khuami, (Pa Thang Khua Kam) Tangpua beh leh Nu Dim Gel Cing te’ tapa, unau 5 lakpan aneu nihnaMark Pau Lam MangMalaysia gamsung a om KLIA thongsung panin July 18, 2015 (Sat) zingsang 3am in KLIA thonginn sung panin hong nusia hi cih thu kiza a kidah mahmah hi.

Sanggampa Pan Thang luanghawm vai khempeuh ZAM-ZSM makaihna tawh Thonginnpi sung panin 23/07/2015 ni in ki lakhia thei a, St. Joseph RC Biakinnpi, Sentul ah biakna ngeina leh Zomi te ngeina tawh dahpihna leh mangpha khakna te lungkim huai takin hun bawlna kinei a, Sunggai Buloh hanmual ah aluanghawm thei hi. Adah akap lungzuang, khua ngai khempeuh, adiakin pianna tunnu leh sanggam teng tawh kibangin Malaysia Zomi zumpi panin ih dahkhawm hi. Topa’ hehnepna hong tungsakta hen!

Zomi League 2015 kipanta ding

Malaysia a om Zomi te’ makaih pawlpi bulphuh a tukpeng kimawlna Zomi League pen August 2 pan October 11 kikal nipi nisim kimawlna om toto ta ding hi. Zomi pawlpi khat le khat, pawlpi sungah khat le khat lungsim picing tak a kilawmtatna ding lunggulhna hipi pen hi. Anuai a pawlpi teng kihel ding hi.

1. Malaysia Laipian Pasian Pawlpi (MLPP)
2. Zomi Ebenezer Malaysia (ZEM)
3. Zomi Catholic Community in Malaysia (ZCCM)
4. Agape Puchong (Agape)
5. Zomi Adventist Church (ZAC)
6. Myanmar Mission Church (MMC)
7. Zomi Christian Fellowship (ZCF-Canaan)
8. Immanuel Christian Assembly (ICA)
Pawlpi tuamtuam pan a kimawlsiam Zomi khangno te thapia ciat ni.

RSC & DHS pan contact kingah lo

Anuai a Contact ngahlo nambat sungah na nambat a kihel khak a leh ZAM zumpi ah hong pai in. Contact ngah kik theihna dingin hong ki huh ding hi. Adiakin avom tawh ki gelhte Zomi sung pan hi.

791-08C01490 791-10C05728 791-09C14922
354-13C08742 791-09C14821 791-10C08466
354-10C07556 791-09C12279 791-10C02543
354-14C12355 354-14C10014 791-10C04609
791-09C08439 512-04C01654 354-08C00973
354-09C08035 791-09C05017 791-09C00245
354-12C00738 791-09C16013 791-10C03089
354-09C06324 354-11C06188 791-10C05912
791-10C05945 791-10C04171 791-09C07140
354-09C07153 791-10C05903 354-09C07571
354-15C00808 791-09C10876 791-09C15933
354-09C08356 791-10C05031 791-09C08801
791-10C03558 354-10C05634 791-09C15740
791-10C05839 791-10C04641 791-10C00353
791-10C02125 791-10C18123 791-10C06437

Na UN Card hong laksak lohna ding

Na card hong laksak lohna ding na UN tangthu hoihtak theih sawm in la banghun banghun in hong ki dong zong gen theih dingin ki gingsa in om tawntung in.

UN Card kilak sakte theih ding

Deih loh pen leh lamet loh penin UN te’n hong samin na UN card hong laksak a leh ZAM zumpi ah hong thei sak un. Lampi a om thei kha hiam cihna hi zaw hi.

Zomi Card tawite ading nasep

⦁ Klang, Setapak leh Puchong motor sawpna sem ding pasal citak mi 10 kideih. Nasep hun 9am-9m, Omna pia. Khasum 1200. Kizopna ding ‘ 012 367 4665

Lungdamkohna

⦁ Zomi Christian Assembly (ZCA) in ZAM ading RM50 hong pia ahih manin ki lungdam mahmah hi.
⦁ Tual Lian Mang (Tuitawh) te innkuan in ZAM ading RM50 hong pia ahih manin ki lungdam mahmah hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…