Hong Kong ah saihapaak US$9 Million manneiding kimankhia

Hong Kong ah saihapaak US$9 Million manneiding kimankhia

Hong Kong kumpi thunei te’n agamsung ah alutsawm saihapaak bekbek akigawm in $9 Million bang manneiding mankhia uh cih AP pan kiza hi. Hong Kong Customes Officials te’n Thursday ni in agenkhiatna ah saihapaak “Ivory” pen tamlua mahmah a, abeisa kum 30 sungah hihbangdan saihapaak akimankhia lakah atampen hiding ci uhhi.

Tua saihapaak tepen Malaysia gampanin tembaw tawh Hong Kong gamsung ah alutsawm hi a, avekpi in agihna 7200kg pha ciliang hi. Hih saihapaak tepen akituamna atungah “Frozen Fish” ci’n ngasa bangdankhat in honglutsawm hi ci’n Customes and Excise Department te’n genkhia hi.

Conservation group WildAid te genkhiatna ah hih saihapaak khempeuh aki ngahtheih nadingin sai akigawm in 720 bang aki gawhlup kulkhading hi ci’n mulkimhuai takin genkhia uhhi.

Hong Kong’s agriculture, fisheries and conservation department te’nzong hih saihapaak akipuak nadingin Final Destination akigelhna Shipment Address ah hoihtak kikan laiding ci uhhi.

Hihvai tawh kisai in Hong Kong gamsung aom Shipment akizoppih mi 3 zong kimankhin hi ci’n Customs Department te’n genkhia hi.

Hong Kong pen hihbangdan gamsa tuamtuam “Wildlife Products” akizuaktuahna Major Transhipment Hub khatin aki ciamteh hi a, ahi zongin gamthunei te’n 2021 kum ciangin Local Ivory Sales pen khamcipding hanciam mahmah uhhi.

Abeisa in saihapaak “Ivory” pe Africa gampan in tampi ki puakhiaden a, hihte zong Africa gampan in hongki puakhia hidingin ki ummawh hi.

Related: Hong Kong meileng sungah meikang, mi 17 liam ~ ZD

“Endangered Species” in aki ciamteh hih gamsa te ii aki, avun, asa cihte pen Import, Export bawltheih nading Licence neilo in aki puatheilo ahih manin, thukhun ombang in thu kibawlding cih kiza hi. Sawltak #zomidaily