Moscow pan Antalya zuanin aleng vanleng sungah zukhamgawp khat ki khihcip
Russia gammi khat vanleng tuanding kihta ahih manin vanleng atuanma in zu dawngawp in khamgawp cihi. Tuapa pen vanleng tawh Russia, Moscow City panin Turkey gam, Antalya City zuanin alengding ahihi.
Vanleng sungah zu khamgawp in midangte nawngkaisak ahih manin atuanpih Passengers te’n tutna kawnggak “Seatbelts” tawh akhe khihcip uhhi ci’n The Daily Sabah of Turkey te’n Wednesday ni in genkhia hi.
Hihpa pen Red Wing Airlines tawh Moscow panin Antalya zuanin aleng hi a, azi leh atate nih inzong azui uh ahihi. Vanleng tuangngeilo in, hih atuanpen Russia gampan in apusuah cilna kici hi.
Vanleng atuanding laulua ahih manin, atuanngam nadingin zu tampi dawngawp in zukhamgawp cimawk hi.
Video: Drunken Russian made a fight in the plane
https://www.youtube.com/watch?v=nX3CQ6Ipgco
Vanlengsung ah atutciang inzong zu dawndawnlai ahih manin, Cabin Crew te’n azu matsak uhhi. Tuaciang in hehgawp ahih manin, atuanpih Passengers te’n lencip in tutna khuambul ah akhe akhihcipsak uh ahihi.
Ageinai ah atukha te’n Video zaih uh a, tua Passenger papen amai leh apuan tungah sitawh kidim pekpak hi. Ahehsuaklua ahih manin alu tawh amai tutna tatgawp ahih manin si aluanggawp ciliang hi.
Related: United Airlines te’n Leggings pheituam tawh zuihding phallo ahih manin kiphun ngeingai
Tua Red Wing Airlines pen buaina lianpi omlo in Turkey gam, Antalya City tungthei a, vanlengtual ah Police te’n nangakpah in tuapa pen mansuakpah uhhi. Azi leh atate zong Turkey gamsung ah ki lutsak nawnlo in Russia gamah ki puakkik cih kiza hi. Sawltak #zomidaily
Comment piaknop aomleh...