Hong Kong ah Restaurant khat puakkham in mi 4 liam
Hong Kong khuasung aom ansai Restaurant khat puakkham in mi 4 liam cih SCMP pan kiza hi. Hong Kong, To Kwa Wan vengsung ah tuni Wednesday zingsanglam in apuakkham hi a, asungah akizang Gas bungte apuakkham hiding in ki ummawh hi.
Aliam mi 4 te lakah 2 tepen gimmahmah uh, liamngawh mahmah uh cihi.
Zingsang 6:36am hunpawl in hih buaina akizak ciangin Police leh Firefighter tezong aphual ah delhpah uh a, tuahsiatna munpen 35 Cheung Ning Street ah ahihi.
Thunei te’n agenkhiatna ah Kitchen sungah akizang Gas tawh anhuanna thuk “Gas Stove” te panin apuakkham hiding ci uhhi. Apuakkham pen khauhmahmah ahih manin, Restaurant ii amai kongkhak zong siazan gawp hi.
Tuabek thamlo, innpualam ah Parking akikoih mawtaw 4 tezong siagawp cihi.
Aliam mi 4 te lakah khatpen Restaurant Worker hi a, liamgawp in apumpi zong meikanggawp cihi. Avek un Queen Elizabeth Hospital ah zatui kibawlding in kipuakpah uhhi.
Fire Services Department Kowloon West Assistant Divisional Officer Wong Ping-kuen in agenkhiatna ah hih buaina tuahsiatna munah Fire Engines 13 leh Ambulance 7 kizang in Rescue Operation kisem hi ci’n genkhia hi.
Related: Hong Kong vanlengtual ah guahtui tamlua in vanleng khat apualam ah pialkhia
Restaurant sungah asitcian uhciangin Gas bung 2 mu uh ci a, LPG Cylinders hi in, 15kg tuak agik te cihi. Ahi zongin tua Gas bungte pen siatna omlo cihi. Thunei te’n bangpan in bangci puakkham cihpen kancian laiding uh cih kiza hi. Anhuanna Gas bungte pen puakkham cih kiza zelzel a, mailam ah hih Gas bungte bangci zatding cih Safety tawh kisai gelhzawhnang hanciamni. Sawltak #zomidaily
Comment piaknop aomleh...