Singapore Changi Airport ah Emirates leh Scoot Aircraft kinawkkha

Singapore Changi Airport ah Emirates leh Scoot Aircraft kinawkkha

Singapore Changi Airport panin alengkhia dingin akithawi Scoot Flight khatleh Emirates Aircraft khat kinawkkha uh ahih manin, khualzinding te ahun kikhinto cih CNA pan kiza hi.

Tuni Thursday (Mar 30) ni zingsanglam in thupiang hi a, vanleng lengkhiading in akithawi laitak in akha “Aircarft Wings” kinawkkha ahih manin lengkhia theilo uhhi.

Scoot Airlines panin Spokesperson khat ii genna ah amau ii vanleng pen Flight TZ188 hi a, Singapore panin China gamsung aom Tianjin City zuanin zingsang 1:30am hunin alenkhiatsawm cihi. Ahi zongin aveilam Aircraft Wing tawh Emirates Aircraft te kinawkkha citciat ahih manin, alending sotto in khawlkik uhhi.

Hih Scoot Airlines tungah Passengers mi 303 atuang uh hi a, kuamah aliam omlo uhhi. Ahi zongin vanlengpen kisia, puahphatkul ahih manin adang Aircraft khattawh laihsak uh a, zingsang 6am in alengkhia dingin laihsak uhhi.

Emirates Airlines panizong Spokesperson khatin agenna ah amau ii vanleng pen Flight EK405 hi a Singapore panin Dubai zuanin alengkhiading in akithawi hi ci’n Statement ah genkhia hi. Ahi zongin vanleng aki nawkkhak ciangin Engineering te’n Inspection bawlpah uh a, siatna om ahih manin Passengers teng adang vanleng ah laihsak uh cihi. Aliam bel kuamah omlo hi.

Changi Airport Group (CAG) te’nzong hih Incident om cihpen genkhiatna kicianin nei uh a, banghangin hih Scoot leh Emirates Airlines te kiphukha uhhiam cih hoihtak kancianding cih kiza hi.

More: Singapore Changi Airport sungah numei khat kum 8 sung teengcip

Vandawn ah aki phukha hilo ahih manin, phadawmlai hi. ZD Sawltak #zomidaily