Homeless pan Heroes – Jordyn Sloan ~ Pau Do Lian

Homeless pan Heroes – Jordyn Sloan ~ Pau Do Lian

Jordyn Sloan (numei no) kicikhat Zomi-USA tekhuapi khat ahi’ Indianapolis ah hongpiang khia hi. Aneu laipekin apa mawtaw accident tawh si-a’ anu ahihleh drug/zatui zangin at ate enzo khualzolo zahdongin vakthap hi.

Sloan in Indystar tawh a interview na panin agen na ah kapalah sikhin in kanula drugtawh ahun bei-in vakthap ahihman in kabelhding omlo in sangkah napan ka ciah nading omlo hi., Ahizongin ka siama nihte (Jacqui Sheehan & Jessica Hunter) in inn neilo kahih lam hongtheih uhciangin amau inn ah hongciahpih zel uhhi” ci hi.

“Tuabanga innciah nading kaneih lohsungin kalawmte kiangah huhna ngenin a inn vuah honggiaksak in ci in kagiak zela, kisuang kahih man in hazong nawtngamlo’ maizong phiat ngamlo in Sangka tunciang bathroom ah pai-in hanawt maiphiatin tawlkhatsung ka om hi. Ahizongin ka siama nihte in ka nu in hongnusiat akipan nu’ dinmun ah hong dinguh a kei hongkem uh hi.”

Sloan kum 15 aphak ma in, innbei (homeless) in nihvei omngei hi. Amasa pen innbei a a-ompen a tanlang (kindergarten) lai hi-a, inn sap ahunzui in piazo lo uh ahihman un inn neite’n hawlkhia uh a, mawtaw sungah tawlkhat sung giat uhhi. Asawtlo (2008) in innneu khat ngah kik uh a, Feb 2008 ciangin apa mawtaw mi atawh kitaih kha in si in’ anuzawng liam a’ anu lungkham lua ahihman in drug tawh kiheh nemhi. Anu zatui tawh hunbeisak in innlam zuan nawnlo a, Sloan pen Perry Meridian High School junior (kum15) hita a, a upa tawh anih un’ homeless/innbei lobei in om uhhi.

February 08, 2019 in Perry Meridian High School (Indianapolis) pan in asangpen pahtawi na scholarship $16,000 ngah hi, “Ka college kahna ding kavan zangpah hi” kahaksat tuahna te kagualzawh nahangin lungdam ing” ci hi. Amah tawh akibanga minphatna, scholarship angah dangkhat, Danielle Jackson at Pike High School, zong anuleh apa, anih un drug addiction mah hi a, aneulai (toddler) akipan anutawh ki khenin akemding omlo ama hanciam natawh High School tungzobek thamlo in top2 ngah a, National Honor Society ngah hi. “Someone always told me, ‘Don’t cry to quit. You’re already hurt, you might as well get a reward from it,” “Mikhatin honggen den in, khawlken’ nathuakkhin zota hi’ thaman nangah ding hiteh’ hongci” ci hi.

Ih lungtangsungpan in pilna zawn ihsawm a’ ihkhensatnak leh lampi khat teitei na om ahihlam hongphawksak hi. Nulehpa tawh omkhawm napi in haksa asate adingin hih numei no’ innbei lobeisa in mipang belsa a pilnazong te etteh huai ahihlam hong phawksak hi. Pau D.Lian