UK gamsung ah kum 20 val ha anawtngei vetlo pasal khat om cizen

UK gamsung ah kum 20 val ha anawtngei vetlo pasal khat om cizen

UK gamsung ah kum 20 valbang ha anawt ngeilo pasal khat om cizen hi. Zogam nangawn ah tuhunciang hanawtlo tamnawn samloding a, gamkhangto mahmahkhat ahi United Kingdom gamsung ah kum 20 val hanawtvetlo mihing khat om cihpen thulamdangpi ahihi.

Tuapa minpen Jay kici a, anasep pen khuasung ninphiat, lampi hahsiang cihbang ahihi. Anu apa te’n asuahcil, aneulai akipan kamsung bangci kepding cih Oral Hygiene hilhngeilo ahih manin, atheihcil akipan ha nawt ngeilo, kamsung ha kikal Dental Floss tawh siansuah ngeilo cihi.

UK gamsung ah hihbang mihing aompen lamdang kisa mahmah in, British Reality Show ahzong “Embarrassing Bodies” ci’n ki suaksak hi.

Ka theihcil akipan tampi anek huailo an pawlkhat leh tampi dawnding in ahoihlo Gas tampi akihel Fizzy Drinks tampi kadawnkha hi. Tuaban ah ka kamsung pen hoihtak siansuahding cih hongki hilhlo ahih manin, ha kanawt ngeikei hi ci’n Jay in pulakkhia hi.

Akamsung donlolua mahmah ahih manin, aha teng abulpan muatgawp hi. Aha tampitak henggawp a, amel asa mahmahzong lauhuai, kihhuai mahmah hi. Aneutung in alunggulh asunmang “Dreams” ahi Sports ah naseptheih nading leh Physiotherapy (physical therapy) cihbang nasepte tawhzong ki gamla semsem hi.

Ahi zongin Dr. James Russell tawh aki muhkhak ciangin anuntakzia hongkilaih in, amelpuak zong hongkilaih hi. Kikhel nopna lungsim taktak hongneih ciangin, mipiangthak khat hongsuak hi.

Dr. James Russell inzong aha abawlsakma in kamciam pawlkhat neisak masa in, Fizzy Drinks peuhmah dawnnawn loding, akhum khiamding, nisim hanawt kipanding, ha kikal zong Floss tawh siansuahding cihteng kamciam ngenmasa hi.

Video: Patient Hasn’t Brushed Teeth In 20 Years | Embarrassing Bodies

https://www.youtube.com/watch?v=91Eg7nzBPqw

Aha teng asiatgawp, amuatgawp hangin abul leh aguh hoihlai bilbel ahih manin, Dr. James Russell inzong ha tang 11 bawhkhiatsak in, hatuh suansakkik hi.

Aha asuansak khitciang in amukmul tengzong metkhia in, hongki siansuahkhit ciangin amel asa hongkikhel mahmahliang hi. Jay pen amahleh amahzong kimuanna Self-confidence hongneita in, mimai ahzong nuikhia ngamta hi.

Related: Manchester tuahsiatna hangin Muslim pasal khatleh Jewish nupi khatin thu ngenkhawm

Aneutung akipan alunggulh, asepnop nasep hoihzaw tezong septheihding lamet hongtamzawta hi. Hanawt thadah te’n hihpa Video na en zelzel un. Hanawt thadahpian in na upte hihthu na Share sawn in 🙂 Sawltak #zomidaily