USA, Maryland aom Christian School khatah sangkah High School Senior khat naupaai ahih manin, Graduation Ceremony ah ki helsak loding cih Fox News pan kiza hi.
Hagerstown aom Heritage Academy te’n agenkhiatna ah Maddi Runkles kici in “School’s Code of Conduct” palsak in kiteenna omnailopi in pasal tawh lumkhawm “Premarital Sex” cihi.
Maddi Runkles pen ama Class sungpan Seniors mi 15 lakah khat ahihi. Ahi zongin amahpen pasal neilopi in naupaai in, tu’n 25 Weeks Pregnant hitamawk ahih manin, Graduation Ceremony ciangin Stage tungah ki kahsakloding cihi.
Heritage Academy pen K-12 non-denominational Conservative Christian School khat ahihi. School Year kumkipat simin High School sangnaupang te leh nulepa te’n kiciamna “Pledge” letmah thuhhamtang uhhi.
Tua Pledge sungah: “This application extends to my actions, such as protecting my body by abstaining from sexual immorality and from the use of alcohol tobacco, and illegal drugs…” ci’n kigelh in, thukimna letmat ki thuhsak hi.
Hih naupaai sangnaupang numeinu ii apapen amin Scott Runkles kici a, amahzong hih sanginn ah President of School’s Board asem ahihi. Ama naseppen sanginn sungah thukhun zuihding “Discipline” neihding lamsang hiphadiak hi.
Video etnopleh: Pregnant teen banned from walking in high school graduation
https://www.youtube.com/watch?v=LCV9CBEpb1I
Ahi zongin atanu in naupaai cih kithei in, School Board te tungah genkhiatding akhentat ciangin apa zong anasep panin khawlpah hi.
Kum 18 aphakhin ahi atanu in agenkhiatna ah amahleh amah agailam kithei ahih manin, sangsia te leh alawmte khem kasawmkei a, ahibang in thuman genkhiatding in ka khentat cihi.
Related: India gamsung ah Gas Tanker khat kehin sangnaupang 200 zato kipuak
Ahi zongin Graduation Ceremony taktak ciangin Stage tungah kah khaloding cih a ngaihsut ciangin Maddi Runkles pen khasia mahmah veve hi. Graduation Ceremony pen ni 11 bek kisamta a, amah kihel khaloding hi. Ama adingin atuam in Private Ceremony kibawlsakding cih kiza hi. ZD Sawltak #zomidaily
Comment piaknop aomleh...