ZAM Thupuak :: 29 Sep 19 (Zomi Idol kipan tading)

ZOMI IDOL MALAYSIA – 2019 KIPAN TA DING

Malaysia ah kumsim Khuado pawipi muakna in ih neih ahi ZOMI IDOL MALAYSIA-2019 pen nasiatak in ki bawl ding a, a kihel ding mimal (17) te hong tungding 01 Oct 2019 (Tuesday ) ni ciangin Top10 kitelna om ding hi. Hih kidemna hun ah a lunglut khempeuh hong pai in tha nong piakna dinguh zong kong zawn phapha uh hi.

• Ani – 01 /10/ 2019 ( Tuesday )
• Ahun – 11:00 AM
• Amun- Manna Zomi Christian Church
• Grab car – CA9 Connaught Avenue

* ZOMI IDOL MALAYSIA 2019 tawh ki sai in tellohna, dotnop a om leh a nuai a phone number ah ki dong thei hi. – Sia Mungpi 018 3122 957

MAPANG KHAWM NI ZOMI KHUADO 2019

Zomi Khuado pawi bawl ding tawh kisai in 22 July 2019 (Wednesday) ni-in ZAM zum ah thudotpi te tawh kikup khopna kinei in, Zomi Ngeina Khuado Pawi limtak bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi.

• 1. Khua kipawlna pan RM200 pan a tungsiah,
• 2. Biakna pawlpi khat ciang RM300 pan a tungsiah leh

Khua kipawlna leh Pawlpi panbek hilo in, mimal in zong ma ih pan khop nadingin kong ngen uh hi. Khuado ni dingin 15 October 2019 (Tuesday) ni dingin kikip sak hi.

Zomite kumkhen Khuado pawi ah Malaysia leitang tung a om Zomite khempeuh khatzong pelemlo a, ih kihel kim theih nading deihna tawh kong theikhol sak uh hi. Hih hun sungah Zomite maban ding thugenna, Zomi Idol Malaysia 2019, Laam tuamtuam, lasaknate a kipan kivakna/talent show tuamtuam zong om ding a hihman in khuahunsia leh thusia tuamtuamte tawh kipelhna dingin thungen ciatni.

Zomi Khuado pawipi muakna in I neihngeisa mah bang in Zomi League kimawlna zong om ding hi. Tua ban ah tukum in Gym kimawlte in Body Building Competition kidemna zong om ding hi. By: Khuado Committee 2019

ZOMI KHUADO 2019 COMMITTEE TENG

• 1. President : Rev. Dai Sim Mang
• 2. Vice President 1 : Sia Hau Thang
• 3. Vice-President 2 : Rev. Thang Do Khen
• 4. Vice President 3 : Rev. Peter Dal Khan Lian
• 5. Secretary : Sia Kap Za Khup
• 6. Joint-Secretary : Rev. Gin Khan En
• 7. Treasurer : Sia Joseph Tuan Sawm Tuang
• 8. Accountant : Sia Simon Pau Khua Muan Lal
• 9. Accountant 1 : Pa Thang Suan Piang
• 10. Auditor : Rev. Thang Za Cin
• 11. Auditor 1 : Rev. En Cin Pau

MEMBERS

• 1. Rev. Khen Za Dal 6. Sia Thang Zo Mung
• 2. Pa Thang Za Khai 7. Sia Kam Sian Mung
• 3. Rev. Thawng Khan Sut 8. Sia Mamang
• 4. Rev. Pau Sian Piang 9. Sm Cing San Huai
• 5. Rev. Ngin Khat Thang

ZOMI KHUADO 2019 ADING PANPIH NA HONG PIA SA TE

• 1. Sing Za Cin (Mualbeem) RM100
• 2. Zomi State Fund International, ZSF (I) RM200
• 3. IZCC Pawlpi RM300
• 4. Tuicinlui Khua Kipawlna RM100
• 5. Heilei Khua Kipawlna RM200
• 6. Mualbeem Khua Kipawlna RM200
• 7. Saizang Khua Kipawlna RM200
• 8. Lingthuk Khua Kipawlna RM100
• 9. Tuithang Khua Kipawlna RM200
• 10. Dimpi Khua Kipawlna RM100
• 11. Cikha Khua Kipawlna RM200
• 12. Tuimang Khua Kipawlna RM200
• 13. Ngalzang Khua Kipawlna RM150
• 14. Pimpih Innkuan Malaysia RM200
• 15. Tuilangh Khua Kipawlna RM200
• 16. Lalta Khua Kipawlna RM200
• 17. Phaileng Khua Kipawlna RM200
• 18. Suum Mang Ann Sai (Pudu) RM100
• 19. Singgialzang Khua Kipawlna RM150
• 20. ZCA Pawlpi RM300
• 21. Teeltui Vontawi Innkuan Malaysai RM200
• 22. MBF Pawlpi RM300
• 23. Thangkai Suangpi Khua Kipawlna RM100
• 24. Mualpi Innkuan Malaysia RM200
• 25. Lamzang Innkuan RM150
• 26. Praise Adonai Sanctuary Pawlpi RM300
• 27. Langzang Khua Kipawlna RM200
• 28. Suangsang Khua Kipawlna RM200
• 29. Malaysia Laipian Pasian Pawlpi RM300
• 30. ZCF-Kajang Pawlpi RM300
• 31. Zion Christian Church -Songailong RM300
• 32. Myanmar Mission Church (MMC) RM300
• 33. Shalom ZCWC Pawlpi RM300
• 34. Laaitui Innkuan Malaysia RM200
• 35. Pyidawtha Innkuan Malaysia RM200
• 36. Haupi Khua Kipawlna RM200
• 37. Phaiza Innkuan Malaysia RM200
• 38. Manna Zomi Christian Church RM300
• 39. Tuimui Khua Kipawlna RM200
• 40. Pangsak Khua Kipawlna RM100
• 41. Pangzang Khua Kipawlna RM100
• 42. ZCF-Bethany Pawlpi RM100
• 43. Lunmual Khua Kipawlna RM100
• 44.Suanghoih Khua Kipawlna RM100
• 45. Zomi Catholic Community of Malaysia RM300
• 46. Ngalbual Khua Kipawlna RM200

BODY BUILDING COMPETITIONS ZONG OM DING

Zomi khangnote sungah Gym kimawlte adingin zong Body Building Competitions om dinga, tua sungah a ki hel nuam ih om leh zong min sazian kipia thei pah ding hi. Khuado ni ma in kidem khol ding a, pahtawina te pen Khuado ni in mipi mai ah kipia ding hi. Hih Body Building Competitions vai a lunglut te in Sport Committee te tungah min sazian kipia thei lai ding hi.

ZOMI KHUADO 2019 FUND DING LUCKY DRAW KI LEI THEI TA

Zomi Khuado 2019 fund zon na in I bawl ahi Lucky draw dal khat ciangin RM5 tawh kilei thei ta ding hi. I minam pawipi a kibawl zawh na dingin I mapan na khat ahih manin a kua maciat in I leiciatna dingin zong kizawn phapha hi hang. ZAM zum, Khua makai te leh Pawlpi te ah kila thei ding hi.

ZAM ZUM AH HONG HAWH

Sakollam Tuiphum pawlpi ah Pasian nasem Rev. Thang Cin Thawn in Malaysia hong zin sung in Zomite hong it hong veina tawh kizui in ZAM zum ah hong hawh in thapiakna leh thungetsakna hong nei ahih manin kilungdam mahmah hi. Topa’n siapa nasepna ah hong lawh cing sak semsem tahen.

ZAM ZUM AH HONG HAWH

Evangelical Baptist Church -KL ah pawlpi kem sia asem Rev. Kham Suan Lian in Zomite a it a veina tawh kizui in ZAM zum ah hong hawhin thapiakna leh thunget sakna hong nei ahih manin kilungdam mahmah hi. Topa’n siapa nasepnate ah hong lawh cing sak semsem tahen.

PILVANG TAK IN OM SAWM NI

Tuhun laitak in kimat kihen hong tam mahmah a, Malaysia kumpite in a gamsung ah phalna lo tawh om mitampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawikawi ahih manin I omna ciat ah kidawm tak, pilvang tak in om ding hanciam ni. A thukin lua mahmah ahih kei leh vakvak loin I om na ciat ah daitakin om ding hoih zaw tham hi. A zenzen in nasepna ah thuneite in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hi hi. Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Tua bang mah in I boss te kiang ah zong limtak gen khol in. Amau mahmah in zong hihte pen khasum tawh ka sepsakte hi kei part time in hong kuan pak zel bek uh hi hong cih sak ding zong kisam hi. Malaysia om Zomipih a kuamaciat I omna gam huih nun zia tawh kizui-in kidawm ciatni cih hong zasak phapha ung. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Azenzen in kimat kihenna khat natuak leh ZAM zum ah hong zasak pah in.

WELCOME TO ZAM

Kawlgam, Vaigam, tuipigal leh gam tuamtuam pan Mala -ysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi.

TUKAL ZATO LAM BUAIPIH

• 1. Thuam Khan Dal (Vangteh) Selayang zato leh ACTS ah kibuai pih hi.
• 2. Lian Deih Sang (Pyidawtha) Sungai Buloh zato ah
• 3. Sang Te (Tahan) Serdang Hospital ah
• 4. Vung Lun Mawi (Tauleng) Damai Service Hospital ah kibuaipih

ZATO LAM TAWH KISAI

Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG THONG LAM BUAIPIH TENG

1. Langh Suan Mung Sunway Velocity Mall pan kiman in Jalan Duta ah a vai kibuaipih

2. Dal Suan Pau Sunway Velocity Mall pan kiman in Jalan Duta ah a vai kibuaipih

3. Dal Khan Hau Sunway Velocity Mall pan kiman in Jalan Duta ah a vai kibuaipih

4. Wine Wine Sunway Velocity Mall pan kiman in Jalan Duta ah a vai kibuaipih

5. Gin Lam Sum Sunway Velocity Mall pan kiman in Jalan Duta ah a vai kibuaipih

6. Cin It Ging Sunway Velocity Mall pan kiman in Jalan Duta ah a vai kibuaipih

7. Khai Mun Sunway Velocity Mall pan kiman in Jalan Duta ah a vai kibuaipih

8. Thang Cin Lian Sunway Velocity Mall pan kiman in Jalan Duta ah a vai kibuaipih

9. Dal Khan Mung Sunway Velocity Mall pan kiman in Jalan Duta ah a vai kibuaipih

10. Sei Min Sunway Velocity Mall pan kiman in Jalan Duta ah a vai kibuaipih

11. A Nge Lee Sunway Velocity Mall pan kiman in Jalan Duta ah a vai kibuaipih

12. Aung Min Thun Sunway Velocity Mall pan kiman in Jalan Duta ah a vai kibuaipih

13. En Muan Khai (Laaitui) Bukit Jalil Camp pan 23-09-2019 ni kawlgam ciah thei

14. Cin Deih Tung (Laaitui) Bukit Jalil Camp pan 23-09-2019 ni kawlgam ciah thei

15. Lian Thawn Piang (Mawngken) KLIA camp pan 26-09-2019 ni Kawlgam ciah thei.

16. Mang Dong Tuang (Tuimui) Sungai Buloh thong ah kimuh pih

17. Khup Lam Thang (Lamka) Sungai Buloh thong ah kimuh pih in 26-09-2019 ni KL Mah Kah Mah ah a vai ki buaipih suak

18. Pau Sian Khai (Haiciin) Kajang lock up ah kimuh pih

19. Cin Do Kham (Tahan) pen Sungai Buloh thongah om in kua mah tawh contact ngahlo hi. A tanau meltheih om leh ZAM ah hong zasak un.

20. Ah Lian (Heilei) pen Sungai Buloh thongah om in kua mah tawh contact ngahlo hi. A tanau meltheih om leh ZAM ah hong zasak un.

21. Thangpi (Leipi-Kale Myo) pen Sungai Buloh thongah om in kua mah tawh contact ngahlo hi. A tanau meltheih om leh ZAM ah hong zasak un.

KIMAT KIHEN NA TUAK LEH : Zomite sungah kimat ki hen natuak zenzen leh hih phone no. te ah na hopih pah in. Nang adingin atawntung in kigingsain om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027