Hana’ zatui

Hana’ zatui

Ha’ natpen avei deuh ki om a, adiakin Haheng khawng na zelzel nuam pha deuh hi. Ha a nat ciangin nuammawh mahmah a, an ki ne theilo, kampau, tuidawn ciilvalh bekzong nopmawh mahmah ban ah, zan ki ihmu theilo in thuak ham mahmah hi. Hih bang Hanat ih vei hun ciangin, hih anuai a bangin hih leng damsiang pah hi.

(1) Lothaang kang (at paan ding)
(2) Khuaizu
(3) Tampazar

Hih namthum teng tawmtek (a kikim ciat) thawlsung khat ah tuiminsa tawm tawh gawm inla, na Ha’ ong nat ciangin hai lang’ lang (1/3) ding khawng tuisa tawh haikhat apha dingin gawm beh in (a ciiklua lo hipeuh le) dawn lecin hong noptuam pah ding hi. Na dawn kawmkawm in tawmvei sungta muamkawm zel in. Mawksiat cihbang omlo ahih manin, athawl sinbit peuh lecin sawtpi mah kikem thei hi. (Hong nat kik ciang dawnkik zel)

Keima sinkhak tektek hi a, mikim tawh zong kilem in ummawh kahih man in hong hawmsawn ka hihi. A hoih dan the bet khiat bang liang hi.

Skin Care

Mipil-te’n a kantelna leh sittelna-te tomno khat hong pulaak hi ning.

Mipil pawlkhat-in a kantelna uh ah,tui tam dawn peen cidamna ding bek a hilo;i-ci,i sa leh pumpi a ding in thupha namkim a om bek thamlo,khansau nadinga hoih mahmah-te laka khat zong,”ci uhhi.

Doctor pawlkhat leh nek leh dawn tawh kisai a thuthei deuh pawlkhat in a pulaakna ah,nikhat sungin tui hai giat bang pong maan dawn den thei hileng,khuak sung leh i Gilpi sung siang thosak,”ci uhhi.

I Tui dawnin ici,isa sung a niin om-te taih siang in,vun natna tuam tuam ngahtheihna pan zong hong kep mah mah bek thamlo,wrinkle zong maam sak hilhial daanin pulaak uh.

A sittelna uh-ah numei honkhat Voluntere dinga zat-te uh,tui nikhat sung Litre khat leh lang bang dawnsak uh in,ahihang,”a nisim omdaan (Lifestyle) uh bang mah kikheel tuanlo.

Baan-ah,” volunters-te laka honkhat-in,tui pongman a dawn om uh in,pawlkhat-in Mineral dawn.

Tuate tungpan kantelna hong neihna uh ah,tui a luang(a luang) a dawn-te lak ah,maai vun vuai leh vunn lam-ah haksatna a neih-te uh 19% bang in kiam in,tui siangtho(mineral a hilo)a dawn denn-te peen 24% bang in a haksat-na tuam tuam-te uh a kiam baan-ah,a deihna-im Mineral-te sang tui luang-te ah hamphatna tampi omzaw,”cih ahihi. Momno