Guihtheih khamtheih tawh kisai pilna piakna kinei

Guihtheih khamtheih tawh kisai pilna piakna kinei

Tedim ah 22 June 2018 ni-in Tedim CSOs Network te makaih natawh Guaihtheih, khamtheih tawh kisai pilna piakna kinei cihthu kiza hi.

Zingsang nai 9:30am pan 12:00dong Tedim, Myoma veng Khuado Hall ah Guihtheih khamtheih tawh kisai Palik lam, Zato lam pan, Biakna lampan leh Lambu te lampan in pilna piak thu genna kinei aa, tua manciang in Tedim Zo Lengthe naitau pi mai ah Lamdung aa aki leh mawtaw, cycle tetung ah pilnapia laihawm (pamphalt) hawmna kinei thei aa tuakhit ciang in Tedim BEHS (1) ah Tan (9) sangnau pangte tung khamtheih guihtheih tawh kisai pilna pia thugenna kinei thei hi.

Hih sang inn thugen na ah Sia Kham Tawng (ZYA – Tedim) in Khamtheih, guihtheih leh Innkuan pawlpi sung cih thulu tawh ahi zong, CS Mung (TYF – GS) in Sang Naupang leh Khamtheih, guihtheih cih thulu leh Lambu Bu Khual in Khamtheih, guihtheih leh Mawtaw, Cycle hawlzia cihte genna kinei thei hi.

More: Falam District zumpi pen banghang Tedim ah tuahding ki vaihawmlo

Hih Tedim CSOs Network sung ah Tedim Khuasung aa aom kipawlna (12) kihel uhhi.

Hihdan pilnapiak thugenna neihzawh nading in AYO in panpih uh cihthu kiza hi. CS Mung/ Zingsol