France, Paris khuasung ah guaktangbek in aki nektheihna ansai khat kihongthak

France, Paris khuasung ah guaktangbek in aki nektheihna ansai khat kihongthak

Pupa te’n Piancit acih France gamsung aom Paris khuapi ah guaktangbek in aki nektheihna ansai “Nude Restaurant” khat kihong cih AFP te’n genkhia uhhi. Tua ansai ah anneding apaikhempeuh asung alutsukma in kongkhak ah apuansilh, nikteen, bombi sungteen nangawn in avekin suahkhiat masak kulsak uh cimawk hi.

Tua Nude Restaurant aomna pen Southwest Paris sungah hi a, French Capital sungah amasapenpen guaktang ansai “French capital’s first nudist restaurant” kici hi.

Hih Nude Restaurant honkhiatding a ngaihsunkhia pen unaupeng ahi Businessmen Mike leh Stephane Saada te ii vaihawmna tawh aki pankhia cihi. Tua apankhia tegeelpen abeisa in Insurance Salesmen asem uh hi a, Paris khuasung ah sumzontheih nadingin “money-making opportunity” mukhia uh a, hongki pankhia uh ahihi.

Tua guaktang ansai pen “O’naturel” kici a, aki ngahthei Menu tepen French bistro cuisine minthang ahi Lobster, Foie Gras , Snails cihte ahihi. Ansai ah annekman pen mikhat ciangin Three Courses $57.50 ciangbang tungsak uhhi.

Ansai apualampan in aki musuaktheilo dingin Windows Shield dingin puanzakang alianpi khat kikhai hi. Ansai sungah puan silhtheihloh banah Mobile Phones zong puasaklo uhhi. Annekpih lawmlegual leh midang khatpeuh aguaktang in aomlaitak Photo leh Video aki zaihsimsak khakding deihlohna tawh Mobile Phone aki puasaklo ahihi.

Khedap zong ansai sungah bulhpakding in Slippers khattek pia uh a, numei te ahihleh amaubulh khedaptulsang “High Heels” te azatnop leh ki ngahsak uhhi. Anne in apai te lakah numei zong tampi kihel uh a, 40% bangpen numei vive hi ci’n Restaurant Managers te’n genkhia uhhi.

Ansai sungah tutna “Chair” tepen Chair Cover avom vive tawh kituam a, Customer te khatvei atutkhit nakleh tua Chair Cover tepen laihsak pahpah uh cihi. (phadawmlai 🙂

Leitung gamtuamtuam aom khuapi te ahi London, Melbourne, Tokyo cihte ahzong hihbangdan guaktang in annekna Nude Eateries kihong kawikawi a, hih Paris City sung aom Nude Restaurant ahihleh tukha kipatlam in aki hongcil ahihi.

Hih ansai ah annenuam tepen Reservation bawlmasak kulsak uhhi. Tualo in kongkhakmai ah bangmah theikhollo in alutkha, lamdang asatvat cihte aomloh nadingin Reservation akulsak tektek uh ahihi.

More: Nungakno khakin Facebook pan aguaktanglim khakkha ahih manin Blackmail thuak

Tuaban ah pawlkhat in hih ansai pen guaktang ansai ci’n numei pasal lupkhopna asakha zong omthei hi. Tuabang numei pasal gamtatna, lupkhopna pen hih ansai sungah kiphal vetlo hi. “Nudity doesn’t have to mean sexuality” ci’n O’naturel Restaurant ansai neipa in genkhia hi. Leitung hunte kikhelkhel, kipeipei in, Adam leh Eve hun tungkik dekdekta (Thupi sakna tawh hongki suaksak hilo in, thulamdang khat ahihna tawh hongki suaksak ahihi) Sawltak #zomidaily