Greek mipil thumte

Greek mipil thumte

Leitunga Civilization masa pen Chinese Civilization khit deuh BC 1200 kiim pan Greek Civilization hong kipan hi. Greek te pen leitunga mipil masa in ki ngaihsun hi. Democracy i cih ngak ngak khawng zong amau ngauhsut khiat ahi hi. Greek Philosophy pen leitung pilna hong kipat khiatna kici hi. Nam pill eh ngaihsut siamna zang masa ahi uh hi. Kum BC 776 in Olympic masa pen na zang ta uh hi.

Leitunga philosopher thupi mah mah thum Plato, Aristotle leh Socrates te zong Greek mah ahi uh hi. Tua manin a gamsung ki vaipuakzia uh kum zalom 21 khit dongin miten sin uh hi. Greek pilna sin masa lo in Philosopher thupi ki suak thei lo kici liang hi. Aki vai puakzia uh pen khuapi tuam tuam ten kumpi tuam neih lian uh hi.

A gam uh khuapi kumpi (city state) hi mai hi. A tungin kiluahsawn(monarchy) dan zang ngei uh hi. Tua khitciang khek in mipi’ vaihawmna (democracy) phuan khia uh hi. Dan (constitution) dungzui in vai hawm zel uh hi.

La phuah siam Homer ii’ hunlaia Greek te’ politics pen biakna tawh kizom hi. A Pasian thupi pen uh Zeus ahi hi.Leitung khempeuha thu nei pen diklo taka vaihawmte gawtna a pia zel in ngaihsun uh hi. BC 500 kiima Philosopher thupi Socrates, Plato, Aristotle hangin a ngaihsutna uh dam dam in kihei hi. Socrates in a hang (reason) theihcianna leh Theihna (Knowledge) thupizia hah gen hi. Mimal deihtelna leh suaktakna thupi ngaihsut pen hi. Amah pen Athens khua pana piang ahi hi. Leitung sum leh paai hauhna te awlmawh loa Pilna leh theihna a buaipih nilouh mi khat hi. Tuamanin miten thupi sa in lamdang zong sa uh hi. A thu leh la te miten thupi sa in sin uh hi.

Socrates khitciangin Plato (May-June) 428/7 BC kiim pawlinAthen ah hong piang kik hi. Amah pen Socrates nungzui muanhuai hi deep hi. A thupi ngaihsun pen bang hiam cih leh; theihna thuk a nei mipil (Philosopher) ten gam leh nam makaih le uh deih hi. Kumpi kivaipuakzia hoih a deih mah mah khat hi.

Socrates leh Plato cih loh Greek Philosopher thupi dang khat pen Aristotle ahi hi. Plato sinsakna nuaia khangkhia ahi hi. Thugen siam leh mi ngaihsutna a zo mah mah khat hi. BC 385/4 in Stagira, Aegean tuipi naak ah piang hi. Plato sinsakna nuaia khangkhia himah leh a Philosophy pen Plato aa’ sang kician zaw lai hi. Aman a Siapa(Plato) Philosophy pen mipi theihsiam zawk dingin phokhia hi. Plato sul nung a bawk (pho) te a mai(tam) sak hi. Aristotle in,”Mihingte pen kikhial thei ahihmanin DAN neih kuul hi” ci hi. Pau Tun Thang