Malaysia, Jalan Ampang lamzikpi tungah khetawh apaikhat motor in taihkha
Malaysia, Kuala Lumpur khualaizang aom Jalan Ampang ah motor khatin khetawh lampailai khat nawkkha cih theStar pan kiza hi. Tuni Wednesday zingsanglam in Kuala Lumpur khuasung aom Hotel mai khatah thupiang ahihi.
Fire and Rescue Department spokesman khatin agenkhiatna ah zingsanglam 7:15am hunpawl in buaina om ci’n Emergency Call hongki zasak hi ci’n genkhia hi.
Jalan Ampang lamzikpitung aom Corus Hotel mai ah motor khatin khetawh apaikhat anawkkha ahihi.
Fire Department te genna ah aphual katunphei uhciangin motor khatin khetawh apai “Pedestrian” khat lamgei ah anawkkha cih kamu uh cihi.
Hih Motor Accident ah akihelkha pen mi 3 ahihi. Motor in anawkkhakpa pen liam ahih manin, Hospital Kuala Lumpur ah zatui Treatment kibawlding in kipuaksak hi.
More: Malaysia, Klang lei nuaiah numeikhat aguaktang in asisa in kimu
Adang mi 2 tepen Motor Driver leh asungah azui Passenger khat ahihi. Motor tawh aki nawkkhapa pen kum 30 gualpawl cih kiza hi.
theSun te pulakna ah tua Motor Driver papen Jalan Ampang tungah apailaitak in midangkhat in khetawh lamzikpi kantan cihi. Tuaciangin Motor Driver pa inzong ataihkhakloh nadingin aki hepleh hawlkhialkha in lamzikpinawl ah khetawh apaikhat aphukha cihi. Hihvai pen kumpi thunei te’n “Section 43(1) of the Road Transport Act 1987” thukhun tawh thu abawllaitak ahihi. Sawltak #zomidaily
Comment piaknop aomleh...