Germany gamsung ah meileng 2 kiphukha, mi 47 liam

Germany gamsung ah meileng 2 kiphukha, mi 47 liam

Western Germany, Duesseldorf City geinai ah zanni Tuesday (Dec 5) ni in Passenger Train meileng khatin vanpuakna Freight Train meilengkhat phukha ahih manin mi 47 bangin liamlawh uh cih AFP pan kiza hi. Hih tuahsiatna Accident hangin ahonkhiading in Rescue Operation te buaimahmah uhhi.

Aliam khualzinmi Passengers te lakah mi 3 pen nakliam phadiak in, adangte ahihleh sihlawhliang nadingin aliamgawplua omlo hi ci’n Meerbusch Fire Department pan thunei te’n Twitter tungtawn in genkhia uhhi.

Hih khualzinmi te tuanna meileng tungah Passenger akigawm in mi 155 atuangkhawm uh ahihi. Germany gamsung mi tampi kihencip in ateenna “most populous state” ahi North Rhine-Westphalia, Meerbusch-Osterath Station geinai ah Tuesday nitaklam 7:30 pm (1830 GMT) hunpawl in atuahsia ahihi. Tuahsiatna ahang taktakpen aki kansan laitak hi a, thunei te’n bangmah genkhiatna neinailo uhhi.

Fire Department te genna ah hih tuahsiatna hangin aliamte pen Rescue Services te’n avek un honkhiakhin uh a, aliam Passenger tepen damdam in zato ah puakkhiakhin uhhi ci’n genkhia uhhi.

Germany’s state-owned rail operator Deutsche Bahn panin Spokeswoman khatin agenkhiatna ah amau meileng ahi DB Cargo Train pen akhawl laitak hi a, Britain’s National Express kici meileng in anawkkha ahihi ci’n genkhia hi.

Rescue Workers te’n aliam khempeuh nitaklam 9:15 pm (2015 GMT) hunin honkhiathei uh cihi. Fire Department te’n akhahkhiat Photo sungah meileng Carriage amasa pen aki phutkhakna hangin siangawhpian a, ahi zongin anunglam aom adang Carriage te siatna omlo hi.

Aki phukha meileng nihte pen atuk omlo in, anih in meileng lampi tungah akitungsa “standing upright” in omtuak cihi.

National Express Driver papen ameileng hawlna buksung ah awkcipdek a, ahi zongin Firefighters te’n honkhiapah uhhi ci’n Federal Police te’n genkhia hi. Liamna bangmah omlo in, ahi zongin patau lauthawnggawp cihi.

More: Kuala Lumpur khuasung ah “KTMB Cargo Train” vanpuakna meileng khat tuahsia

Abeisa May khasung inzong Eastern Germany ah Regional Train khat meileng lampitung panin pialkhia in, mi 7 liam uhhi. Germany gamsung ah meileng tuahsiatna ahuaisia penpen ahihleh 1998 kumin thupiang ahihi. Tuakum in Lower Saxony, Eschede ah High Speed Train khat meileng lampi panin pialkhia in, mi 101 takin sihlawh a, Germany gamsung ah “deadliest train accident” in ki ciamteh hi. Sawltak #zomidaily