Malaysia, Genting Highland pan aciahsuk Bus 2 tuahsia, mi 1 si

Malaysia, Genting Highland pan aciahsuk Bus 2 tuahsia, mi 1 si

Malaysia, Jalan Batang Kali – Genting Highland lamzikpi tungah Bus mawtaw golpi tuahsia in mi 1 si, 1 liamgawp cih theSun pan kiza hi. Tuni Wednesday (Feb 28) nitaklam 1:35pm hunpawl in Jalan Batang Kali – Genting Highland Road, KM 15 ah atuahsia ahihi.

Hihvai tawh kisai in palik thunei ahi Hulu Selangor District Police Chief Supt Lim Bak Phai in agenkhiatna ah asipa pen kum 50 aphakhin Suri Cheng Hong kicikhat hi ci’n genkhia hi.

Tuahsiatna apianzia pen Genting Highlands mualtung panin Penang zuanin aciahsuk Bus golpikhat ahawlpa in hoihtak lenkip theilo “Lost Control” ahih manin alang lamzikpi lamah pialphei khavat cihi.

Tuaciangin anunglian ah azui Bus golpi khatzong amai a Bus aphutkhakloh nadingin kidawm kawmkawm in, lamlang ah pialpheikha cihi.

Tuabang in abuai laitak in amasazaw Bus in Motorcycle khat phukha citciat hi. Tua motorcycle tungah ahawlpa leh azi atuangkhawm uh ahihi.

Tua Motorcycle pen amasapen Bus nuai ah ki taalkaihphei in, tuaciangin hawkguam ah kiasuk hi. Motorycle ahawlpa pen aphual ah sipah in, azipen asihloh hangin nakliam mahmah hi.

Motorcycle hawlpa ii azi pen kum 48 aphakhin khat hi a, nakliamlua ahih manin Kuala Kubu Baru Hospital ah kipuaksuak pahhi.

Bus mawtawpi 2 ahawlte zong Police te’n manpah uh a, anih un azun sitsak, Urine Test kibawlsak in, Statement zong kilapah hi.

More: Genting Highlands ah mawtaw kibung, ahawlpa si, adang mi 15 liam

Hih Bus mawtawpi 2 sungah Passenger atuangpen akigawm in mi 46 hi a, tua Passenger te kuamah aliamgawplua omlo bilbel uhhi. Motorcycle hawlpa ataihlumkha Bus pen atunga Photo sungah akimuthei Bus asanpen hi a, lamkhang ah alenkhiat suakloh phadawm mahmah hi. Sawltak #zomidaily