Genthei dongtuak Rohingya naupang te dinmun leh mailam lamet

Genthei dongtuak Rohingya naupang te dinmun leh mailam lamet

Kawlgam leh Bangladesh kambel in aom Rohingya nau pang te ading huhna leh panpih na kitang sam hi ci in leitungbup naupang pattah huhna kipawlna UNICEF tetung ah pulakna ki nei hi.

Nau pangte pilnasang ading ahi zong, cidam na ding akisam khuahun alum,avot te hang in natna satna athuaklot nadingin omna ding bukmun inn te limtak bawlsak zawh ding zawng lunggulhna pulsk uh hi.

Kawlgam Rakhai state sung ah aom Rohingya naupang te ahuam in 185.000 kiimbang pha ding uh hi ci in UNICEF te’n pulakna nei hi.A nulepa te bangladesh ah gambel in vapai uh a akikhen dan suak hi. Bangladesh ah atung Rohnigya naupang phazah mi 534.000 bang pha uh hi ci in abeisa in UNICEF te pulak na om ngei hi.

Hih bang in ah Kawlgam ah ahi zong in Bangladesh kamsung ai zong dongtuak Rohingya naupang te dinmun leh mailam khantotnading patpih ding kitangsam lua hi ci in, UNICEF ulian khat Simon Ingram in pulakna nei in, Bangladesh lam pan in UNICEF thuvan Edouard Beigdeder in ai zong media ah thusunkhiat na bawl hi.

Kawlgam Rakhai state sung ah aom uh Rohingya mite tung simmawh bawlsiatna gambel ciangtan nate leh cidamna,pilna, nuntak hamsat nate uh in panpih ding vai Kawlgam kumpi te tung ah zong UNICEF ten ngetna leh pulakna nei uh hi. Tidim Times