Myanmar, Ayeyawady gamsung ah sai abengsim mikhat kikapliam

Myanmar, Ayeyawady gamsung ah sai abengsim mikhat kikapliam

Myanmar, Ayeyawady Region sung aom Thabaung Township sungah sai (Elephant) khat avun hoksa in kimu hi. Ageinai ah tua saivun ahokding in aki ummawh mi 3 kimu ahih manin, thunei Anti-poaching Unit te’n thautawh kap uh a, mikhat kapliam in adang mi 2 taisuah uh cih Myanmar Ministry of Information pan kiza hi.

Abeisa Sunday ni in Ayeyawady Region sungah thupiang hi a, saivun hokkhia in agu te lakah khatpa pen kikapliam ahih manin, Pathein General Hospital ah kipuak cihi.

Gamsung ah saivun agusimzel te abengding, amanding in Anti-Poaching Unit kinei a, tua sungah Forest Rangers, Township Police, Thaephyu Sentry Police, Thaephyu People’s Militia cihte kihel uh cihi.

Abeisa hunsung in gamsung ah gamsung ah sai a encik in vakzel uhhi. Nungdiak in sai khat avun aki hoksa, saihapak zong kilakhia, ameizong aki tankhia sai aki golum khat mukhia uhhi. Tuani nitaklam in tua sai aki thahlupna geinai ah pasal 3 muanmawh om ahih manin, thunei te’n amanding in pai uhhi.

Police Captain Myo Lwin in agenkhiatna ah gamsung ah sai aguzel Elephant Poachers om cih kizazel a, kazonkhiat uhciang in ki bingtuah khalian hi ung. Tualaitak khatpa in thautawh hong lehkapsawm in hongngim ahih manin, kaploh phamawh a, tuapa pen kikapliam hi ci’n genkhia hi.

Ahi zongin aki kapliamna pen huaisialo cihi. Adang guta ataisim mi 2 tezong Ayeyawady Region sungah kizonsan laitak cihi.

Abeisa in saihapak (Ivory) kideih mahmah in, tulam ciangin saihapak bekthamlo, avunzong kideih mahmahta cihi. Tua saivun tepen Mon State, Kyaiktiyio Pagoda geiteng ah ngeina zatui Traditional Medicine in kilimzat mahmah cihi.

More: Yangon pan Dawei zuanin apai meileng maiah pasal khat asisa akikhai lingleng in kimu

Saivun “Elephant Skin” pen pikhat patle (Square Inch) khat ciangin US$3.65 (Ks. 5000) bangin kizuakthei cihi. Tukumsung bekbek inzong Kawlgam ah sai aki thatlum 30 bang phakhinding cih kiza hi. Sawltak #zomidaily