Gambup lante thu tomno ~ NK Khanno

Gambup lante thu tomno ~ NK Khanno

Tulaitak a Kawlgam icih pen 1947 panglong thukimna neih khit zawh, 1948 Jan4 ni aa hong piangkhia gamkhat ahi hi. Tua ma in Mikangte ukna nuai ah Zogam, Kawl zangkuam gam, Shan gamkete, Kachin gam, Karenni (Kayah) gam cih bangin atuamtek in a om ahi hi.

(1) Gambup lan masa (1948-1973)

Suahtakna la khawm in gamkhat ah Democracy danlezia ngeina le mualgamte ah mualmite thuneihna a omsa mah bangin Kawlte in nawngkai/sailoh nading cih Federal bangin kimakaihna tawh dingkhawm ding thukimna anei (i) Zomi/Chin, 2.Kachin, 3. Kawl, 4. Shan, 5. Karenni cihte etsakna in aksineu khatta tawh gam lan tungah kisuak sak hi. Aksipi pen gambup etsakna lim ahi hi.

Tua hi a suahtak ngah khit gambup lan mel pen a san van mel kiuneu khat sungah kiu nga nei Aksi pikang khat pen Aksi neu nga in umcih in aom ahi hi.

(theihding: Karen, Rakhine, Mon te pen Kawlzang kuam ah om uh a, Kawl kumpi ukna nuai ah a onkha te ahih manun amau panglong ah tangmi neilo uhi. amau tang Aungsan suak hi)

(2) Lan nihna (1974-2010)

Newin in ukna buluh khit Panglong thukimna teng nungngat san in, a gammite bek hilo mualmite tuancil gawp dingin sawm hi. Kawlzia tawh Socialism hong kalsuan piin Socialist party khat bek tawh hong makaih hi.

Mualmi minam (7) te state min pua in gamke khatta pia in Kawlte a tamna munte Region ci in gamke (7) mah hong pia hi. Kawl pek khat Kayin pekkhat cihna kammal pen kawlngian zang in hong vat ahi hi. Kawl in pek 7 angah ciangin mualmite in pek1 tek ngah pan zen ih hi hi.

1974 Jan 3 in gamukna thukhunpi thak khat kipsakna nei in tualai ah gambup lan thak ahi Asan, vanmel khit ah buhvui leh set ha kimkot in aksi neu14 omsak hi. (buhvui leh set ha pen socialism ii logo khat ahi hi)

(3) gambup lan 3na (2010 – tudong)

tulaitak a ihzat pen alui nih tawh kibang vetlo in a thak khat cih theih ahi hi. Naipak, eng, San cih color thum leh aksi pi khat ahi hi. 2008 thukhunpi om bangin 2010 October kha in akikipsak ahi hi. NK Khanno