California thau kikapna ah mi 14 si
USA California State sung aom San Bernardino ah thau ki phialkapna omzel ahih manin mi 14 in sihlawh cih AFP News pan kizazel hi. Asi hizah banah aliamzong tuazah kiimmah omding cihzong kiza hi.
Akhasiat huai phadiak ah hih thau kiphialkapna munpen cidamlo te akikepna Disabled Center sungah cisawnsawn ahih manin lungkhamhuai mahmah hi.
Police te genkhiatna ah SUV mawtawvom khattawh akapding in aki ummawh te taimang uh ahih manin, alimzon mahmah laitak cihi. Pawlkhat in thautawi te ki kaplumkhin acizong om a, athu ki theician taktak nailo hi.
Hih buaina vai hangin Police tezong buaimahmah uh a, innkhat khit innkhat lutkawikawi in thautawi migilo te leizon ngekngek uhhi. Police Chief Jarrod Burguan in agenkhiatna ah hih buaina vengsung aomteng kuamah innpualam na pusuak naikei un, innsung ah na ki bilhcip phot un cih zaksakna nei hi.
US gamsung ah thau tawh ki phiakkap cihpen ki zaknawh mahmah a, lungkhamhuai leh cikziat huai mahmah hi. ZD Sawltak #zomidaily
Tumah in thuthang ki zakbehna ah San Bernardino Police te’n thautawi migilo nih kaplumkhin uh cih Fox News in genkhia hi. Khatbang numei cisawnsawn hi.
Tuaban ah migilo te’n Office Building sungah anutsiat van pen apuakkham thei Explosive Device hi cisawnsawn uhhi.
Comment piaknop aomleh...