Gambia gam kum 22 uk Jammeh in athuneihna a nusiatma in State Fund Million tampi gu

Gambia gam kum 22 uk Jammeh in athuneihna a nusiatma in State Fund Million tampi gu

Jan. 23, 2017: Gambia gam kum 22 sung a uk, Kiginni zan in a gam panin Equatorial Guinea gam-a a taimang Yahya Jammeh in state fund million tampi leh car hoih mahmah (luxury cars) a hun khop taimangpih a, tua carte vanpuakna vanleng (cargo plane) in pua hi ci-in Dec. 1 kiteelna a cing President thak Adama Barrow in ci hi.

Dec. 1 kiteelna ah Burrow cing napi-in Jammeh in thuneihna pia khia nuam lo a, West African gam makai ulian ten palai nasem in thuneihna a apkhiatna dingin thuzawh zo uh hi. Tua hi kei leh Gambia kiim-a om galkap teng Economic Community of West Africa (ECOWAS) “multi-national forces” kici kipawl ten aana tawh paih khiat sawm uh a, Gambia gamah zong galkap pawl khat lut man uh hi.

Thursday in zong Senegal in galkap sawl a, Nipini in ECOWAS in Burrow in President a let theihna dingin buaina pian’ ding dalna in galkap a sawl manin Senegal in a galkapte la khia kik hi. Jammeh gum galkap ten ECOWAS galkapte na kap uh a, tu-in bel kikaptuahna dai ta hi kici hi.

Barrow adviser Mai Fatty in Burrow administration thakin tu nai diakin state fund kikholna (coffers) mun tampi hawm a, dollar millions tampi kigu hi cih mu khia uh hi ci hi. A beisa nipi kal nih sung bekin Jammeh in 500m dalasi ($11 million) bank panin la khia a, Jammeh in luxury cars-te pen Chad gamte’ cargo plane in pua khia a, a puak khiat zah lian kitel lo hi ci hi. Mai Fatty in President thak Burrow a bukna Senegal panin manlang takin hong ciak kik ut hangin gamvai sia lua lai hi ci hi. Barrow pen Thursday in Senegal gam-a Gambia embassy ah President dingin kiciamna na nei hi.

Dec. 1 kiteelna ah Burrow a cing hangin Fatteh in thuneihna pia khia nuam lo ahih manin buaina na kipan a, tua khit nung Gambia mi 45,000 Senegal ah galtai uh a, Europe ah 1.9 million gambeel in om uh hi. Source: Al Jazeera and news agencies/ Thang Khan Lian