Indonesia, Malaysia, Philippines gam 3 te’n tuipi tungah galvilna neikhawm

Indonesia, Malaysia, Philippines gam 3 te’n tuipi tungah galvilna neikhawm

Asia sungah migilo te ngongtatna khangsemsem ahih manin Indonesia, Malaysia, Philippines gam 3 teng kipawlkhawm in tuipi tungah galvil dingin “Joint Naval Patrol” neikhawm uh cih AFP pan kiza hi.

Adiakdiak in Philippines gamsung aom Marawi City sungah kumpi galkapte leh IS migilo te kilimdo mahmahlai uh a, tua IS te ahuhding ahi zongin agaltai ahi zongin tuipi tungah aomkhakding cih abengding in galvil in hihbangin gam 3 tak kipawlkhawm in abawl uh ahihi.

Indonesia’s military chief Gatot Nurmantyo in agenkhiatna ah hih Joint Naval Patrol akibawl pen ahun lemlian mahmah hi. Marawi City panin Indonesia gamsung ah gambel dingin IS galkap te hong lutphei khakding aki khaktannop mahmah laitak hi ci’n genkhia hi.

Hih Indonesia, Malaysia, Philippines gam 3 tepen akisapleh kipawlkhawm in Joint Naval Patrol neihding cihpen abeisa 2016 May kha pekin thukimna aneisa uh ahihi.

Video: Malaysia, Indonesia and Philippines launch trilateral maritime patrol

Tuahun laitak inzong Philippines gam ii leitawlam aom tuikulh tungmahah IS tetawh akizom Abu Sayyaf thautawi kipawlna te’n gamdang mite manzelzel uh a, sum tampipi tawh kitansak uhhi. Ahun aciangtan hunsung in sumtawh akitanlo tepen a ngawng tansakziau mawk uhhi.

Hih gam 3 tengin “Maritime Command Centres” zong neiciat uh a, Indonesia gamsung ah Tarakan, Malaysia gamsung ah Tawau, Philippines gamsung ah Bongao cihbang in Set up sa nei uhhi.

More: Indonesia, Bali Airport ah numei khatin Bomb kapua ci’n ciamnuihkha ahih manin kiman

Hihbang in anei dimdiamna hangin deihlohpen tuipi tungpan in huhnget sapna Distress Call khatpeuh aomleh koigam koigam pan ahi zongin akinai penpen ahuhding in ki paisakding cihi. Sawltak #zomidaily