Malaysia Bank ATM panin guta te’n sum RM260,000 gukhia thei

Malaysia Bank ATM panin guta te’n sum RM260,000 gukhia thei

Malaysia gamsung Terengganu State sung aom sumthohna ATM (Automated Teller Machine) khat tuni Monday (05 September) ni zingsangtunglam in ki buluh a, Malaysia sum RM260,000 ki gukhia cih theSun Daily News te’n genkhia uhhi.

Dungun District Police Chief khat ii genkhiatna ah hih ATM aki buluh hunpen zingsang 5:50am hunpawl hiding ci a, aluhte pen mi 2 hi in, amai uh puanvom tawh tuam uh cihi.

Palik te’n CCTV panin a etkik uhciang in hih maituam mi 2 te in ATM lam zuanin pai uh a, ATM akituamna apualam sikpen hongkhia masa uhhi. Tuakhit ciangin tawhtang kithunna panin apuakkhamthei thauvui thunsuk uh a, puakkhamsak uhhi.

Tua apuakkhap ciangin ATM ah akithuah Alarm System te gingpah ziahziah a, Police Patrol Unit tezong asawtlo in tungpah uhhi. Ahi zongin gutate sumteng tawh na taimangkhin uh ci’n thunei te’n genkhia uhhi.

Hih ATM sumkoihna aluh uhpen apatpan atawpdong Minute 5 sung khawngbek sawtin luhkhiazo uhhi.

A puakkhamthei avanzat te uhtawh hih guta te matkhiattheih nading in kumpi thunei te in akansan laitak uh cih kiza hi. ZD Sawltak #zomidaily