Tuni 28 April 2016 Thursday zingsang 9:00 A.M – 12:00 P.M. hun sung TBCY [Tedim Baptist Church Yangon] Conference Hall sungah Australia pan hong hawh Pu Dr. Dongno [Pu Dr. Suan Za Dong] le America pan hong hawh Pu Nang Lian Thang tawh kimuhkhopna GZA intekna tungtawn-in kinei a, mi 20 kiim kipha hi.
TBCY Pawlpi in minam itna bulphuh aneih mah bang-un itna tak tawh zin hong do-in, tui-khum, tui-siang ban-ah meeting manciang sun-an lim buhsih le aksa tawh hong vak uh a, apai khempeuh nuamsa-in kilungdam mahmah hi.
TBCY Pawlpi tuucing le GZA lutang Pu Dr. Enno [Pu Rev. Dr. Simon Pau Khan En] in chairperson sem-in GZA makai Pu Dr. Mung [ Pu Dr. Do Suan Mung] in thukonghonna hong nei hi. Tua khit ciang zinmang tegel ahi Pu Dr. Dongno [ Pu Dr. Suan Za Dong] le Pu Thang [Pu Nang Lian Thang] in mailam kalsuankhop zia ding amau muh bang tom-kim-cing-in hong gen uh hi.
Tua khit ciang in Zangkong khuapi om Zomi upa li-le-nga in feedback piakna le muhna bang genna nei-in, hun tawm ahihman-in sun 12:00 P.M. hun-in gennop maban tampi tawh kimuhkhopna kikhawl bawl hi. Thungetkhopna tawh meeting kiman hi.
Intek pawlpi TBCY pan hong luikhiat itna ankuang umkhop khit ciang “Sun-pha!” tawh kikhen bawl-in innlam ciat kizuan ahi phot hi.
Mailam-ah hibang-in kimuhkhopna neihzel ding hoih kisa ciat hi.
Topa’ thupha!
Suanpi
- Rev. Dr. Philip Cope Suan Pau, Th.M., Th.D.
- Executive Director:
- MMM: Myanmar Missions Mobilization
- ARMS: All Racial Mission Studies
- Yangon, Myanmar
- Email: [email protected]
- Website: www.mmm-myanmar-missions.org
- Cell: 95-92-5408-2868
- 95-92-5396-6234
Comment piaknop aomleh...