Myanmar Mission Church Pawlpi Kum(11) Cin’na Pawipi ah Sapna!
DEAR ALL,
Ih Topa kiang pan cidamna leh lungnop tawldamna thupha mikim tungah hong tung ta hen.Amen.
Thuummi akua matek in nong panpihna leh thu nong ngetnasakna tawh hong tung ding Sunday (October 12, 2014) ni teh Myanmar Mission Church(MMC) Pawlpi kum(11)cin’na TOPA tung lungdamkohna Pawipi kinei ding hi. Hih Lungdamkohna Pawi ah muntuam gamtuam aom Khazih sungah it leh ngaih nulehpa, ulehnau, lawmlehgual akua matek in kotawh lungdamkhawm dingin itna tawh kong sam uh hi.
Pawlpi kipatkhiat a kipan tuniciangdong haksatna tampi aom hangin tuciang gualzawhna hong pia Pasian hehpihna i phat hi. Nungkum 2013 Pawlpi ii Kum(10)Cin’na “Tin Jubilee” Pawipi ah Kawlgam pan Zinmangpi Sia Do Khup in hanthotna hong nei hi. Tukum Pawlpi Birthday ah Rev. Ricky Hla (Senior Pastor of Myanmar Christian Church of L.A, CA) in Pasian kammal tawh hanthotna hong nei thei ding aa, Zomi sungah Lasa siam minthangte ahi, Asodaw Tua Tuang (Stephen Band), Asodaw Siantawng, Asodaw Mungpi(Zomi Idol), Asodaw Nuamboih(Zomi Idol) leh Pawlpi sunga Lasiam khangnoteng inzong Pasian itna Langaih nono te tawh Pasian phatna hong nei ziahziah ding uhhi. Tua banah Pawi hong sim khempeuh Pawlpi pan in “Danpauk” lim mahmah leh “Buhman Nganhuan” lim mahmah tawh nitaak zinvaakna kinei ding hi.
Pawlpi adingin thungetna tawh ahizong, sumlehpaai tawh ahizong, thagui thatang tawh ahizong, thulehla tawh ahizong hong huh hong panpih thuum mimal khatciat tungah lungdamna lianpi kong pulaak uh hi. Topa ading i mapan’na, i sepkhiatna, i piakkhiatnate khempeuh azah tampi in Topa’n ama hauhna tawh hong dimkik ta hen. Amen.
Lungdamna lianpi tawh,
Topa’ leenggah huan sungah,
Sia Thangno
Myanmar Mission Church
Florida
For More Information:
Myanmar Mission Church
Church’s Add:1019 North 24th Ave, Hollywood, FL-33020
Church’s Web: www.mmcflorida.com
Church’s Office: 4060 NE 8th Ave, Oakland Park, FL-33334
Church’s Ph:(561)707-8729
—
Comment piaknop aomleh...