US Florida State sung aom Orlando City ah thaukikapna piang ahih manin mi tampi si cih Daily Mail pan Breaking News kiza hi. US hun Monday ni zingsanglam in Orlando khuasung aom Warehouse ah akikap kici hi.
Orange County Sheriff’s Office panin Twitter tungtawn in agenkhiatna ah 9:12am hunpawl in thau kikapna pen vengkhinta a, ahi zongin asi tampi om cih gelhkhia uhhi.
Thau akappen ki khahsuahlo ci uh a, ahi zongin thaukappa “Shooter” pen kikaplum maw, ahih keileh kimanmaw cihpen gencianna neinailo uhhi.
Tulaitak hih buaina pen hoihtak in aki velcian laitak hi a, asawtlo in athu akicingzaw “Accurate information” pen hongki khahkhia kikding hi ci’n Sheriff Department pan genkhia uhhi.
Thau kikap buaina akipatpen Monday zingsanglam 8am hunpawl ci a, North Forsyth Road leh Hanging Moss Road geinai aom Industrial Area sungah thupiang cihi. Gerber Collision leh Class Center tetawhzong kinai mahmah kici hi.
Banghangin kua in kap cihpen ki theician nailo a, asi zong bangzahpha cihpen ki pulakkhia nailo hi.
Sheriff Jerry Demmings zong buaina apianna aphual ah tungkhin a, asawtlo in athu ala akicing in hong pulak khiading in ki ummawh hi.
Abeisa kumsung inzong Orlando City sungmah ah Pluse Nightclub Shooting ci’n thau kikapna piangngei hi. Tuapen tuzawh kalkhat ciangin kum 1 acinglianding ahihi.
Related: Alip Khap Huai USA thupiang ~ Florida State
Tua Nightclub thau kikapna hangin mi 49 takin sihlawh uhhi. ISIS-inspired akici apakta thautawi Omar Mateen in Nightclub sungah aphialkapgawp hi a, mi 49 tak si ahih manin, U.S. History sungah “Deadliest mass shooting” ci’n aki ciamtehkhat ahihi. ZD Sawltak #zomidaily
Comment piaknop aomleh...