US Florida ah thautawi pasal khatin Police Officer khat kapliam, naupang 4 zong Hostage in mancip

US Florida ah thautawi pasal khatin Police Officer khat kapliam, naupang 4 zong Hostage in mancip

USA, Florida State sung aom Orlando Apartment Complex ah thautawi pasal khatin Police Officer khat kapliam in, naupang 4 zong akidalnading Hostage in kem cih Fox News pan kiza hi. Sunday nitaklam in thupiang hi a, tua kapliam athuak Florida Police Officer ii aminpen ki pulakkhia nailo hi.

Hih thupiang pen Police te genkhiatna ah innkuansung akitawng buainavai Domestic Violence khat aom ciangin Police te hongki zasak cihi.

Universal Studios geinai aom Westbrook Apartment ah Sunday nitaklam 11:45pm hunpawl in innkuansung buaina om cih aki zaksak ciangin Police Officer khatin adelh hi a, tua Police Officer papen thautawh kap anathuak ahihi.

Tua kapliam athuak Police Officer pen nakliam mahmah in, Hospital khatah kipuakpah a, Surgery kibawlpah hi. Aliamna pen huaisia mahmah hi, ahi zongin nungtading in ki lamen hi ci’n Orlando Police Chief John Mina in News Conference ah Monday ni in genkhia hi.

Thautawipa in Police Officer pa akapliam khitciangin naupang 4 te ama kidalnading in Hostage in mancip hi. Tua naupangte pen thautawipa ii atate hiding in ki ummawh hi ci’n Police Chief in genbeh hi.

Monday zingsanglam inzong SWAT (Special Weapons and Tactics) te thau kikapna aphual ah kimuthei a, thautawipa tawh kilemtuahtheih nadingin hanciam uh cihi.

Hostage in matcip athuak naupangte pen kum 1, kum 7, kum 10, kum 12 cihbang hipan uh a, tua naupangte bangmah akicih khakloh nading, naupang te ii Safety pen ka lunghimawh penpen uhhi. Thautawipa pen lungkimtak in hongki apding in ki lamen hi ci’n Police Chief in genkhia hi.

Video: A Florida police officer was shot Sunday night after a man opened fire and took four children hostage at an Orlando apartment complex, police said. The Orlando police officer, who was not identified, was responding to a domestic violence call at the Westbrook Apartments near Universal Studios around 11:45 p.m. Sunday when the suspect opened fire.

The suspect is barricaded inside the home with four hostages – children who are 1, 7, 10 and 12 years old. pic.twitter.com/7pPYjX8O4H

— Orlando Police (@OrlandoPolice) June 11, 2018

Hih thubuai Incident apianna pen nupikhat alawmpa “boyfriend” in benggawp ahih manin Police te asapna panin akipan cihi. Police Office te’n tuapa amatsawm ciangin Police Officer khat thautawh akapliam ahihi.

Tua buaina apianna Apartment Complex vengsung ah aomkha Steven Martinez kicipa in agenkhiatna ah zan alumding in kakithawi laitakin thauging kaza hi ci’n Orlando Sentinel te tungah genkhia hi.

More: USA, Los Angeles sanginn ah kum 12 aphapan numei khatin thaupua in sangnaupang mi 4 kapliam

Tua thauging kazak ciangin lunghimawh leh lauthawng in 911 te kasampah cihi. Adang Witness khatinzong 12:30am hunpawl in innmai ah kongkhak hongkikiu in, tuapen Police Officer te nahi a, amanlangin na innsung Building panin ki hemkhia in ci’n hongsawl hi ci’n genkhia hi. Innpualam ka pusuakkhiat ciangin Police Officer khat aki kapliamgawp kamukha a, alawmte’n Police Car sungah apuaksawm, apaipih laitak uh kamukha hi ci’n genkhia hi. Sawltak #zomidaily