Nangbang omlo hi ~ Pau Tun Thang

Nangbang omlo hi ~ Pau Tun Thang

Mihingte’ ngaihsutna pen namnihin kikhen thei hi.Ngaihsutna khat pen, a sia lam vive a ngaihsutna hi a, hibang mite in a hoih a pha nate midangte’ ading bek in ngaihsun mawk uh hi. Amau leh amau a sia teng kipia tawn tung uh hi. Thumhat mah mah zen uh hi.Ngaihsutna dang leu leu pen na khat peuh peuh a hoih lama ngaihsut siamna ahi hi.Hibang mite ahih bang bang bang utawh lungdam siam uh hi. Hibang lungsim pua thei leeng hoih hi.

Khat vei vei ngaihsun leeng leitung pen Fair lo mah mah i sak hun awm hi. A meel hoih mah mah a awm kawmkalah pawlkhat meel sia mah mah se se.A zong(genthei) a hau awm se cih khawng. Mi dik te sangin migilote houh lawhcing nuam zawsop lai hi. Hibang dan khawnga i lungsim a pai khak vanglak ciang i thadah hun tam hi.Hibangdan a ngaihsun kha te mai tai thei lo in lungkham in kha kuun den uh hi.Tua ahih manin hi bang ngaihsutna (lungsim niamna) pen nei kei thei leeng hoih hi.

Ngaihsun pha in melsia na kisak lai takin nang sanga meelsia zaw na tam mah mah zel hi. Zong(genthei) na kisak lai takin nang sanga genthei zaw na awm ve ve hi.A tak takin ci leeng a hausa te zong a zawngte awm kei le uh hau thei tuanlo ding uh hi. A hoihte zong a sia te hanga ki hoih muh thei hi lel hi. Tua ahih manin khat le khat kimamawh ciat hi hang.Khat le khat kipanpih tuah ciat thei leeng thupi hi.

Na manphat lam zong ngaihsun zel dih ve.Pasian in nang pen a hoih mah mah a hong bawl na hi hi. Tua ahih manin lungsim niam nei tuan kei in.Lawp takin pasian’ nasem zaw in.Leitunga mihing tamzia khong na ngaihsun ngei hiam. Mihing Billion 6 val tham awm hi.Ahizongin hite lakah nagin midangte sangin na special zawk na awm hi, na unique mah mah hi.Bang hang hiam cih leh nang bang leh nang meel bang a pua kuamah awm lo hi.Nang bang awmlo hi! N.Pau Tun Thang (Mumbai, India)