US Florida ah Myanmar sangnaupang khat thautawh kikaplum
USA, Flordia State sung aom “University of South Florida” ah sangkah laitak ahi Myanmar sangnaupang khat thautawh kikaplum cih VOA pan kiza hi. Tampa Bay Times te’n nung Sunday ni in agenkhiatna ah amin akitheilo pasalkhat thautawh kikap in, zato ah sihi ci’n pulakkhia uhhi.
VOA panin aki kankhiat ciangin tua thautawh aki kaplumpa pen Myanmar gammikhat nahi a, aminpen Thant Zaw Oo kici hi. Mangmin inzong “Benjamin Lee” ci’n English Name nei kici hi.
Thant Zaw Oo pen University of South Florida geinai aom Apartment sungkhat ah thautawh akikapliam khitciangin Florida Hospital ah kipuak hi. Tua thautawh aki kapliamna hangtawh zato panin sisuak kici hi.
Thant Zaw Oo pen bangci bangin thautawh kikap, banghang thautawh kikap, bangcisih cihte Local Police te kiangaha akidot ciangin hihvaitawh kisai in athu hoihtak in aki kanciansan laitak ahih manin bangmah genkhiattheih omnailo hi ci’n Police te’n genkhia uhhi.
Hih thaukikapna apianna mun ahi Florida, Tampa, Hillsborough aom WFLA News te pulakna ah thaukikapna apianhun pen Saturday zanlam 9:00pm hunpawl hiding ci uhhi. 9:45pm hunin Hillsborough Police te kiangah thaukikapna omhi ci’n kizasak cihi. Hih buaina hangin khuasung mipite adingin bangmah lunghimawh nading omnawnlo chi.
More: USA, Florida sanginn khatah thaukikap, mi 17 si, 15 zato ah lum
Washington DC aom Myanmar Embassy inzong Florida Police te zaksakna tawh kizui in asipa Thant Zaw Oo ii Myanmar gamsung aom a innkuanpih te ki thuzaknading in ki vaihawm cihi. Florida sungaom High School khatahzong abeisa February khasung in thau kikapna pianga, mi 17 takin sihlawh uhhi. Sawltak #zomidaily
Comment piaknop aomleh...