USA, Florida Everglades ah gulmat asiam mahmahkhat in akhutguaktawh pi 17 asau gulpi khat man cih MSN News pan kiza hi. Tua gulpi pen Python akici thampi te hi a, Florida Everglades National Park sungpan in akiman ngei thamgul khempeuh lakah alianpen in ki ciamteh hi.
Python gulpi pen asau banah golmahmah in agihna zong Pound 130 tak pha hi. Asung ahzong gultui tang 78 tak ki mukhia a, guldang apiankhiat nawnloh nadingin tua gultui tezong ki lakhia cihi.
Gulmat siampa Snake Catcher ii aminpen Dusty ‘The Wildman’ Crum kici a, amahpen Orchid kici Paalpi pak suantawh akivakkhat hi in, amankalkal in gulmat nasep zong asemkhat ahihi.
Crum inzong ka gulmatngei khempeuh lakah hihpen agolpen hi ci’n genkhia hi.
South Florida Water Management District te’n gul aki betkhiatding deih ahih manin gulmatding sumtawh cial uhhi. Snake Hunter asem ahi Crum tepawl pen naikhat in $8.10 tawh akicial ahihi.
Nasep naitha banah gul amat taktakleh Pi 4 asau gulkhat amante pen $50 piakbeh uhhi. Pi 4 tungsiah asau gul amante pen $25 ta cihbangin piakbeh toto uhhi. Gentehna in Pi 8 asau Python khat amante pen akigawm in sum $150 angahding ahihi.
Video etnopleh: Python hunter captures massive snake in Everglades
Crum ii matkhiat Python pen Pi 17 cingdektak ahih manin gulmat thaman leh Incentive akigawm in $375 tak ngahlawh ahih manin, amahzong kipak mahmah hi. “Good Payday” khat hi ei ci’n maitai mahmah hi.
Florida Everglades National Park sungah Python gulte tamlua mahmah in, adang ganhing Wildlife teng netummang uhhi. Tuahang in gul bengding in naitha tawh kicial in, gul amat takpi ciangin Incentive behlap in pialai uhhi.
Tunai Everglades National Park sungah akiman Python te lakah asaupen, agolpen ahih hangin hihsang in agolzaw leh asauzaw Southern Florida ah kiman ngei kici hi. Hih akiman pen agihna Pound 130 hi a, nidang in aki manngei khatpen agihna Pound 160 pha cihi.
Related: Indonesia ah Python gulpi khatin mikhat nomvalh ahih manin, agil ki kheikhia
Zomi sungahzong gulmat siammahmah, gul amuh nakleh akhahsuah hetlo pawlkhat omthei hi. Zogam bangah sadang nekdingzong aomvetlo himai ahih manin, pawlkhat gulmatsiam leh gul amuh nakleh adelhpah valval tepen muinam kisamlua khawngzongpeuh nahithei lailai hi.
Gulmat siamleh a ukte’n Florida ah nasep nazong dih un, nitha nopci khatheiding hi 🙂 ZD Sawltak #zomidaily
Comment piaknop aomleh...