Finland Gamthu ~ Anthony Lian

Finland Gamthu ~ Anthony Lian

Finland gamthu theihsakna leh Zomi tetung deihsakna – Zomi te i-gam i-lei ah Kumpi gitnatlohna leh nuntak haksatna te hangin gamdang lobuangah suahtaknading aomlo phial himai hi. Kum 18 tungsiah i phakkhit nakleh bangmah ki ngaihsun nawnlo in, gamdang, gamdang kici hi. Khantohna, hauhna leh Pilna akisam bangbang gamdang lobuang ah akicing aa omlo ci-in ki mu tek ta aa, aki sawm tek hi ta hi. Tua hi-in Gamdang i paisawm ciangzong U.S.A lobuang cise lo-in, adang gam te´thupitna zong aki theihteknang leh aki zuatteknang deihsakna tawh hilai hong at ing.

Finland gam thu: Hih gampen kizangei tekding hi. European Union kipawlna ah akipawl masa Scandinavia gam lakpan gamkhat hi-aa, Euro summah zangpah uh hi. Norway, Sweden gam tetawh ki gamgi hi. Agam lei 63% ah Singkung bekbek hi aa, agam in zai mahmah napi-in, gammi 5 million kimpawlbek pha uh hi.

Gam ii Income pipen Singkung pan Laidal bawlna hi aa, Technik tawh ki sai Nokia pen Leitungbup theih hi. Gammi leh gamdangmi zong tawmlai leh Gamhaukhat ahih man un kumpi-in agamsung mi tengpen apumvakzo cihding zong hi. Finland gam ah Mangpau le Sweden pau te zong Zumpau mahin kizang thei hi. Finland gam Embassy pen Thai, Malay leh Singapor gam te ah om hi.

Pilna tawh ki sai: Finland gam ah sangkahman sum kilalo, Tution kahman sumpiak kullo ahih manin a-ut khem peuh sangkahin kipai thei hi. Tan 10 zote Bachelor degree ki zom thei aa, Bachelor degree azote Mastar degree ki zom thei hi. Amaugam pan Sang i zawh khit leh Leitungbupah kizangthei hi. Sangkah aa apai te´n tua gam ah Innsap man leh Annnek Tuidawn ei le ei ding hi.

Tuaman ding pen kha khat in 500-€ ki khom ding ahih manin, kum khatin 6000-€ bei ding hi. Tua ahih manin Sangkah ding Apply ih hih ciang in kumkhat aa abeiding sumlah kulpah hi. Tuaban ah Sangkah theihnang Mangpau le laizong theihkul aa, IELTS or TOFEL zawhnalai zong ki sam hi. Sang le Tution kahman sumpiak kullo ahih man-in Scholarship cihbang omlo hi. UK, US gamte danin Sangkah kawm Nasep ding hamsa theiding hi. Sum le Pai hamsatna i neih leh kumkhat bang i kahkhit ciangin Gambel in lut suak lengzong aki ngah theithu ding hi. ( ahoih bel hi sam kei)

Na lunggulh Subject leh sang hih lai ah na zong in; http://finland.cimo.fi/studying Application form pen hih laiah; https://www.admissions.fi/ Nasim beh nop lai leh; http://www.cimo.fi/dman/

Gambel vai: Finland gampen Norway, Denmark, Sweden gamte mahbangin Gambelmi tampi aom veve gam khat hi. Nidang lai-in Afaganistan gammite la in, amau alak nawnloh ciang in Kawlgam mite la uh hi. Kawlgam mite pen Thai gam aa Gambel mite la uh aa, Finland gam ah Kawlgam mi 800 val bang om uh hi. Atamzaw Mon te leh Karen te hi uh aa, tua lak ah Zomi 3 pha uh hi. (Laimi cihte omlo) Amau pen Thai pan asap uh hilo in, agam zuan aa anget uh hi.

Tua dan in EU gam sungah Gambel dingin aphual zuan aa aki nget theih lam ‘Zomi pihte hongthei sak hi pah ing. Germany bangah tua bangmah kizuan-in kawlgam mi 500 phial aom hi mawk hi. Pawlkhatte Holiday pai om suak, Vanleng transit tawh tuakkhia, gamgi pan lutkik cihdan hi. Singapor le Malay ah permit tawh nasemte Holiday in pai huai hi. (gambel ding a-ut te)

Thai, Malay le India lam aa gambel aa aom Zomi ten zong Finland gam nasin dinguh hong deihsak ing. Huhna atuamtuam pen adang gam te sang in tamzaw kici aa, nuamsa tek uh cih ding hi.

**Pilna avei mahmah Mipih te leh Gambel aa apai khianuam Mipihte ading lampi khatin akizat theihleh cihna tawh Holiday in kapai lai aa katheih thuteng hong hawmsawn ing. Nong simsak ka lungdam, Anthony Gin Khan Lian (Frankfurt- Germany)