FBI Agent khat Night Club ah alamkawm in thautawh mikhat kapliamkha
US gamsung Colorado State sungah FBI Agent khat naseploh Off-duty tawlngak hunsung in Night Club khatah gualnuamding, hun awng zangdingin lut hi. Night Club sungah tha ngahlua in, lamkhangkhang a, tuakhit ciangin aki lumlet dengdangleh anung akawngah apuak Pistol khat kiatsuah hi.
Tua Pistol akiatsak ciangin amanzong tawmsuk kikpah saisai a, tuakawm in azangno mekkha citciat ahih manin, Night Club sung aom pasalkhat kapliam kha cih Colorado Local Media te’n pulakkhia uhhi.
Hih buaina thupiang pen nung Sunday zanlam in thupiang hi a, tua FBI Agent pazong Police te’n athu kanciansan laitak uh kici hi.
Local Television Station te’n tua FBI Agent pa alamlaitak leh athau akiatsuah laitak Video Clip pen ngahkha uh a, Social Media tungah kithehzakpah zihziah hi. Video sungah tua FBI papen tha ngahmahmah in Energetic Dance tawh lamlanglang a, tuakhiat ciangin anunglam ah Backflip kilumletzel hi.
Video: Police are investigating an off-duty FBI agent’s apparently accidental shooting of a man when the agent did a backflip at a Colorado night club, local media reported Sunday.
Ahi zongin abombi akawng ah akoih thauneukhat hong kiatsukvat ciangin mipite’nzong lamdangsa in ki patauman hi. Mipi te tha ngahmahmah in otsan ziahziahding cih alamet laitak in athau kiasuk velvalmawk ahih manin, ki patau mantek hi. Tuakawmkal ah FBI Agent pa’n athaukiatsuah amatphei bambamleh azangno mekkha in kapsuak khamawk hi. Pasal khat ii akhe kapliamkha kici hi.
More: President Trump in FBI Director James Comey nasep bingkhawlsak
ABC Television te genkhiatna ah tua aki kapliamkha pen huaisiagawp samlo, ahizo zahding Life-threatening hisamlo a, ahi zongin zato ah kikem cihi. Tua FBI Agent papen Police Headquarters ah kipaipih masa in, tuakhit ciangin FBI Supervisor te tungah ki apsawn cih kiza hi. Sawltak #zomidaily
Comment piaknop aomleh...