US President Donald Trump in Tuesday ni in FBI Director asem laitak ahi James Comey pen nasep bingkhawlsak cihthu CNN pan kiza hi. FBI ihcih pen Federal Bureau of Investigation cih aki tomlawhna ahihi.
Hih FBI Director papen nungkum US Election hunlai in Trump Campaign Team sungah Russia te kihelna omhiam, omlohiam cihthu akansan laitak ahihi.
President Trump in James Comey nasep abingkhawlsak akizak ciangin lamdang kisa mahmah hi. FBI Director James Comey pen U.S. Law Enforcement Official lakah azalian leh aminnei mahmahkhat ahihi.
FBI te’n Trump 2016 Presidential Campaign hunlai in Russia kihelna omhiam cih akankhiat pen White House in akhakciptawh kibang hi.
Ahi zongin FBI Director nasep aki bingkhawlsakna vaitawh kisai in President Trump tawh Political Motive omlo hi ci’n White House Officials te’n genkhia uhhi.
James Comey in FBI pen hoihtak in makaihzo nawnlo ahih manin President Trump in nasep abingkhawlsak kici hi.
President Trump in nasep khawlsak nadingin James Comey tungah lai akhakna ah FBI pen mipi te’n hongmuan kiktheih nadingin asemtheiding makaithak zonding kisam hi cihzong kihel kici hi. Tuaban ah “You are hereby terminated and removed from office, effective immediately.” ci’n nasep ki bingkhawlsak hi.
FBI Director asemding mithak zong amanlang in kidongkikding cih White House inzong tangko khiapah uhhi.
FBI Director khat ii nasep Term pen kum 10 ahihi. James Comey pen FBI Director dingin abeisa kum 4 hunlai in President Barack Obama in nasep aguat ahihi. FBI Director khat ii nasepkum Term cingnailo in aki khawlsak “Fired” ahihi.
Related: President Donald Trump in kha 3 sung angah masak khasumteng citpiakna nei
Hillary Clinton ii Email vai ahi zongin, Election Campaign hunlai in Russia kihelvai cihte ahi zongin James Comey in akankhiat laitak ahihi.
James Comey nasep khawlsakding pen Attorney General leh Deputy Attorney General te’n President Trump tungah ngaihsut piakna aneih uh kici hi. President Trump inzong tuate Recommendation sangpah in, FBI Director pen nasep aki khawlsak hi ci’n Spokesman Sean Spicer in Reporters te tungah genkhia hi.ZD Sawltak #zomidaily
Comment piaknop aomleh...