Egypt Palm Sunday kikhop laitak Bomb puakkham, mi 36 si in 100 val liam

Egypt Palm Sunday kikhop laitak Bomb puakkham, mi 36 si in 100 val liam

Egypt gamsung aom Coptic Church biakinn nihah Palm Sunday ni in Bomb puakkham ahih manin mi 36 sikhin a, aliamzong 100 val bang pha cih MSN News pan kiza hi. Egypt gamsung ah IS migilo te’n biaknasung nawngkaisak mahmah uh a, Religious Minority te abeisa hunte ah bawlsia pahpah uhhi.

Hih Palm Sunday ni Bomb kisukham pen kuamah in ko gamtatna hi cih “Claim of Responsibility” atangko omnailo hi. Coptic Easter zong mai Sunday niding hita a, tuaban ah Pope Francis zong Egypt gamsung ah zinsawm cih kiza ahih manin, hihbangin Bomb akitap ciangin ki lunghimawh mahmah hi.

Bomb akitam masapen Cairo City khuapualam 100 km khawngbek agamlatna aom Tanta, Nile Delta City ah ahihi. Tualai munah asi pen mi 25 hi a, aliampen mi 78 bang phahi ci’n Egypt’s Ministry of Health te’n genkhia uhhi.

Bomb anihna akitam pen amasa tawh sawtvei kihal hetlo in akitam hi a, Alexandria City sungah ahihi. Suicide Bomb hi a, tangvan “historic seat” in akikem Coptic Pope ii tutna sukha in, mi 11 in sihlawh hi. Asi lakah Police Officer zong 3 tak kihel uh a, aliam bekbek zong mi 35 bang pha ci’n Egypt’s Ministry of Health te mahin pulakkkhia uhhi.

Hih Bomb apuahkhap laitakin Pope Tawadros pen Saint Mark’s Cathedral ah Mass akikhop laitak hi a, ahi zongin amahpen bangmah liamna omlo hi ci’n Ministry of Interior te’n genkhia uhhi.

Hih Bomb sukhamte pen amauleh amau aki pulakkhiat nailoh uhhangin abeisa hunte ahzong IS migilo te’n Christian te bawlsiaden uh ahih manin, amau ii khutma mah hiding in ki ummawh hi.

Tanta aom biakinn sungah Bomb apuakkhap khitciangin mipi te apualam ah kikaikhawm ngeingai uh a, akapkap tawh mauhenhan hi.

Biakinn sungpan nupi khat ii genkhiatna ah sualtungteng munkhempeuh ah silehnai tawh kidim zihziah hi ci’n genkhia hi. Pumpi kibalkham, sathemneng zong kithehthang ziahzuah kawikawi cihi.

Hih Bomb puahkhapna mun Tanta Site ah President Abdel Fattah al-Sisi leh Prime Minister Sherif Ismail tezong Sunday ni in hawhsawm uh cih kiza hi.

Video etnopleh: Another Coptic church in Egypt hit with an explosion on Palm Sunday

2014 kum Iraq leh Syria gamte ah IS te hong thahat akipan Egypt gamsung aom Christian aom sunsun tepen patauden mahmah uhhi. 2015 kumsung inzong Libya gamsugn aom Egyptian Christians mi 21 te pen IS migilo te’n thahlum uhhi.

Christian pen citawm mahmah kawmkal ah IS migilo te’n Target in nei uh a, simmawhbawl mahmah uhhi.

More: Egypt gamsung aom Cathedral biakinnpi khatah Bomb puakkham, mi 25 si, 47 liam

2016 kumsung inzong Egypt gamsung mah aom Cathedral biakinnpi khatah Bomb puakkham in mi 25 si a, adang mi 47 bang liam ngei uhhi. ZD Sawltak #zomidaily