Malaysia ah BMW mawtaw minthang khat tuahsia in nungakno khatin sihlawh
Malaysia, Alor Setar sungah zanni Saturday nitaklam in BMW mawtaw khat tuahsia in, nungakno khatin sihlawh cih theStar pan kiza hi. Tua nungakno pen kum 25 bek hipan a, amin Nur Farihah Jaffar kici hi. Pendang, Kampung Bonggol Petai khuami khat ahihi.
Hih numeino pen a innkuanpih tetawh mawtaw atuangkhawm uh hi a, North- South Expressway lamzikpi tungah atailaitak un Hutan Kampung gei ah nitak 10:40pm hunpawl in atuahsia uh ahihi.
BMW mawtaw pen apei taal in hawkguam sungkhat ah kiasuk in, numeino in asihlawh ahihi. Mawtaw pen amakpa ii hawl ci a, mawtaw sungah naupang kum 3 pan kum 8 kikalzong thumbang atuang himahleh tuate asi omlo bilbel hi. Liamna bel neiciat uh ahih manin, Sultanah Bahiyah Hospital ah kipuak uhhi.
Asi numeino pen tukha April 30 ni ciangin asuahni Birth Day limtak bawlding in akigingging kawmkal ah mawtaw tuahsia in asiziau ahihi.
“Mihing leh Papo” cih kammal aom mahbangin mihing te sihhunding pen ahiziau thei himawk hi. Akhangham penpen panin siding cih hizenzenlo a, tuahsiatna Accident aomciang inzong akhangmoi penpen te’n thuaklah diakding cih hituanlo mawk hi.
Hih mawtaw tungah naupang kum 3 pan kum 8 kikal naupang thumbang tuang uh himahleh kuamah asi omlo in, kum 25 aphakhin nungakno khatin sihlawh citciat hi.
A mawtaw tuan uhpen BMW mawtaw ahihi. BMW mawtaw pen leitung ah aminthang mahmah, atamman mahmah mawtaw namkhat ahihi.
Bangzah in atamman zongin, amuanhuai in aminthang zongin, ahoihin aminthang zongin ahun tungleh tuahsia thei, melhoih in aminthang mihing tezong sihhun tungleh siveve uh a, hoihna khempeuh leisung ah amuatcipding hilel hi.
More: Malaysia, Penang ah numeikhat mawtaw ahawl laitak thautawh kikaplum
Leitung tomkal nuntaksung in ihhihna bangbangtawh lungkimding, lungnop theihding leh ihsihkhit ciangin tawntung tawldamna vangamnuam tungning cih khamuanna ihneihding athupipen hi cihtawh tuni Palm Sunday thuthang te khupbawlni. ZD Sawltak #zomidaily
Comment piaknop aomleh...