Ebola Virus lungno ~ Dr. Tg Nang Khan Lian

Ebola Virus lungno ~ Dr. Tg Nang Khan Lian

Africa gam pawlkhatte ah kilawh in a om Eboli virus lungno hangin a si mi kitam mahmah ta ahih manin leitungbup gamtuamtuamte ah akilawh ding ki patau mahmah ta hi. Kawlgam in hih natna lungno gamsung ah a lut theihloh na dingin leitungbup cidamna kipawlna ahi WHO tawh kikop in gamgi kongkhak te le vanleng tual te ah panin etcik na nei uhi. Mi tampi kilawh in a sisak hih Eboli virus lungno thu American gam a phualsat ahi The New York Time online laimai panin aki at thute kong letkik uhi.

Dotna: Eboli virus koi panin hong piang hiam?

Dawnna: Eboli virus pen 1976 kum in kimu khia aa zawngte tung pan hi dingin ki ummawh hi. Mihingte tung hong pianna hangin mite in zawngsa nekna hang pan a kipan ahi hi. Kantel siam pawlin bakte pen hih lungno a pua kawikawi dingin ummawh uh hi. Zawngte le mihingte in bakte beng in a mat uh ciang bakte ciltui ahkl a ek ahkl lungno pua bak i kiatna mun ahkl mit le kam a lawngkha mite tung piang hi. Tulaitak aa hih natna lungno hong kipat khiatna pen bak a beng theizel Gene gam Gueckedou gei aa om khuano khat pan hi ci’n gikhenna neilo Siavuan kipawlna MSF in gen hi.

Dotna: Koi ci bangin kilawh hiam?

Dawnna: Eboli virus pen cisa (flu) le huihdikna lam tawh kisai virus khat ahi SARS bangin huih oan in kilawh lo hi.Pumpi tung pan a piang khia tuite pan in kilawh hi. Hih lungno vei mikhat i sisan ahkl a luakna pan tui pawlkhat in adang mikhat i mit le bil ahk kamsung ah a tukna panin kilawh hi. Tu ciang ah a kilim lawh mahmah mite ahih leh lungno vei cina pa/nu a khoi kinai pih tanau sanggam te ahkl hih lungno hang aa asite a phum mite ahi hi. Tua hi aa cidamna lam nasemte aa ding a lau huai mahmah thu khat ahi hi.

A diakdiak in kidalna puante kimtak aa asilh lote le bit na ding kidalna lam tawh kisai hoihtak a sin khalo te ahi uhi. Cina pa velna rubber khuttuam ahkl a vun sung aa akisun suk phimluite panin zong tua virus kilawh theilai hi.

Dotna: Eboli virus hangin tua ciangciang mi bangzah si ta a hia?

Dawnna: Hih natna lungno eboli vitus hong piancilna Gene gam Liberia gam le Siyaleyon gamte ah March kha aa kipan tuni ciang dong mi 1600 val bang kilawh in hih pan a langval si hi cihthu WHO genna pan kithei hi. Nigeria gam in zong eboli virus kilawh theih nading a hang khat a gam vuah piang hi ci in tangko uhi. Nigeria gam ah a zin Libetia gammi khat pen July 25 ni in si hi ci hi. Hih natna a pianzawh 1976 nungsiat ah tutung pen a suksia penpen ding in ki gen hi.

Dotna: Banghang in hih eboli virus a kilawh theihloh nading bawl ding hamsa hiam?

Dawnna: Africa nitumna lam mun pawlkhatte ah eboli cih kammal bekbek zak lawhna hangin natna kingah thei hi ci in um lai mawk uhi. Hih bang aa hai upna in natna a kilawh thaang lohna dingin a hanciam MSF bsngin cidmana lam nasemta dingin buaina le haksatna pi khat ahi hi. Siavuante hangin natna kilawh hi ci in mi pawlkhatte in mawhsak lai in ngeina kithoih bangin a kithoih mi zong omlai hi. Nidangin a paincil lai aa cidamna nasemte in hoihtak in kinbawlloh na hang uh zong ahi hi.

Dotna: Eboli virus avei bang hi leng bangci dan limlemel te ki thuak ding hiam?

Dawnna: A tamzaw in hih virus vei zawh ni 8 pan ni 10 sungin natna i limlemel te hong kipan khia hi ci hi. A kipat tung in bel cisa nat (flu) bangin lutangna cisa le khutlekhe golh/na ding hi.Khat veivei ciangin natna nasia vat thei in sungpai le lua cihte om thei hi.

Tua khit ciangin (lungno vei a lang bang ah) suksia semsem in pumpi sisan luangkhia thei hi. Sisan luakhia le zun ah si kihel ahkl vun nuai ah ahkl mit le kamte panin sisan luangkhia hi. Ahi zongin hi bangin sisan luankhiatna hangin mite asi uh hizaw lo hi. Pumpi sung om sihui panin tui pawlkhat paikhia ahih manin si kiam (BP) mahmah ahih manin lungtang le kal te kisia sak in tuapanin pumpi cilesa kisia sak ahih man ahi hi.

Dotna: Koi ci danin ki bawl thei ding i hi hiam?

Dawnna: Hih natna kidal na ding ahizong kibawl theih nading zatui om nailo hi. A cil lai in za ah 60 pan 90 bang pen si hi. Siavuante sep theih in hih natna vei mite thuak a na te pan noptuam nading bek ahi hi. Si akiam loh nadingin zatui khaina leh a tha kiamloh nading le a dang natna te a lut behloh na ding bawl sak theih bek uhi. Za khat tawmno khat bek in natna dalzawh na lim lak uhi. Lailet Dr. Tg Nang Khan Lian Source: Zingsol