USA, Tulsa pan Rev. Dr. Thawng Cin Khan (Tedim, Taithul beh) in hongnusia

USA, Tulsa pan Rev. Dr. Thawng Cin Khan (Tedim, Taithul beh) in hongnusia

Mangpha Rev.Dr.Thawng Cin Khan Taithul @ Sia Ci Cin (Kum 68) Taithul Beh – Zogam Tedim ah akhang khia USA gam Oklahoma State,Tulsa khua ateng (MZBC) pawlpi kem Rev.Dr. Thawng Cin Khan Taithul in abeisa June 19,2020 in Sikhang, Zunkhum, Kaal leh Covid-19 natna tawh hongnusiat na hang in ZIUSA kipawlna mintawh dah mahmahna i pulak hi.

Sia Ci Cin pen Pasian lam honsakna tawh September,1996 in USA a tung ahihi, ZIUSA kipawlna ah mapan na kum tampi tak nei ahih man in hi bang in hong nusiatvat ciang in ZIUSA kipawlna in naki sa mahmah hi, Zomite kipawl khopna Zomi Innkuan Oklahoma ah member khat leh ZIUSA Genvai member onglut thukhun pom ni 03/05/2014 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Sia Ci Cin luanghawm tawh anunungpen hunzatkhop ding hong tungding July 13 , 2020 11:00am in Calvary Cemetery 9101 S Harvard Ave,Tulsa,OK 74137 ah (MZBC) pawlpi makaih na tawh hunbawlna neihkhit ciang,aluanghawm lei sung ah tuh na kinei ding hi.

More: 2020 kum ih Zogam MP ding kua ihteel tam? ~ Khup Khan Thang

Sia Ci Cin hong nusiatna hanga adahakap azi atanu tapa te leh alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang, Genvai tanupi – Zomi Innkuan USA, Inc.