India, Delhi ah naungek kha 8 bekbek aphapan khat buanthuak

India, Delhi ah naungek kha 8 bekbek aphapan khat buanthuak

India gamsung ah naungek kha 8 bekbek aphapan khat buanthuak, ki Rape cih AFP pan kiza hi. India gamsung pen zahmawhvai ki bawlsiatna “Sexual Violence” atam mahmah gamkhat in aki ciamteh hi a, hih kha 8 bekbek aphapan naungek akibuanna pen tunai thuthang akiza nunungpenpen ahihi.

Hih numeino pen India, Delhi aom amau innsung ah abeisa Sunday ni in buan athuak ahihi. Sunday ni in naungek ii anu apa te nasem aciah uhciangin naungek akisialna lupna tungah sisan kimu hi.

Tuaciangin anu apa te’n azahmawh etsak uh a, akibuan cih atheih uhciangin amanlang in zato ah taipihpah uhhi. Hospital ah Doctor te’n nai 3 sungbang Operation bawl uh a, naungek ii aliamma, azahmawh akikek teng khuisakkik, Operation bawlsakkik uhhi.

Press Trust of India te genna ah hih naungek abuanpen midang hilo a, naungek ii meltheih tanau “Cousin” khat ci uhhi. Tuapa pen kum 27 aphakhin khat hi a, Police te’n “Rape Case” mibuan cihtawh manpah uhhi.

Tua mibuanpa pen “Protection of Children from Sexual Offences Act” tawh thu kibawl in, hih thukhun pen khantawn thongkiading “Life Sentence” cihna ahihi.

“Delhi Commission for Women” kici kipawlna panin makaipinu ahi Swati Maliwal inzong hihvai azak ciangin naungek akibawlna Hospital ah delhpah a, tuakhit ciangin ama Twitter tungah asiapenpen piangkhinzo hi “The worst has happened” ci’n gelhkhia hi.

Naungek kha 8 bekbek aphapan khatin India gam ii Capital khuapi, Delhi City sungah buanthuak ahih manin, anuntakna aki hutzawh nadingin aki hanciam mahmah laitak ahihi ci’n Twitter ah gelhkhia hi.

UN Comittee te’n “Rights of the Child in 2014” ah agenkhiatna ah India gamsungah buan athuak, Rape athuak mi 3 lakah khatpen kumcinglo “Minor” hiden hi ci’n genkhia uhhi.

India gamsung ah 2015 kumsung in naupang buan athuak “Child Rape Case” akigawm in 11,000 bang om citazen hi. Tua sazian pen “National Crime Records Bureau” te ii pulakkhia ahihi.

More: Kawlgam ah sangsia khatin sangnaupang 2 zawhthawh thutawh buan ahih manin kum 40 thong kiading

Delhi City sungbekbek ahzong nisim in naupang kumcinglo 3 tabangin buan thuakden uh cimawk hi.

“India’s Rape Capital” akiciliang Delhi City sungah 2012 kumsung inzong migilo honkhatin numeino khat buanhuangawp uh a, leitungbup in “Global Headlines” tuamtuam ah suaksak in, ki lipkhap mahmah hi. Sawltak #zomidaily