China ah galkap te vanleng tawh Training akisin laitak vanleng khatkia

China ah galkap te vanleng tawh Training akisin laitak vanleng khatkia

China, Guizhou Province sungah Monday ni in galkap te’n Military Training Exercise abawlbawl laitak in, amauzat vanlengkhat kiasak uh cih People’s Liberation Army Air Force te’n genkhia uhhi.

Hong Kong-based Phoenix TV te’nzong tua Chinese Military Aircraft akiat laitak Video Clip pen amau website ah khahkhia uhhi. Tuaban ah vandawn panin akiat laitak, leilak ah mei akuan ziahziah laitak cih Photo tuamtuam tezong Social Media ah ki thehzak pahhi.

Ruptly News Agency te’nzong tua Military Aircraft akiat laitak Video pen YouTube ah khahkhia uh a, anuai ahzong ki enthei hi.

Video: Chinese military plane crashes in training exercise

Video sungah Military Training Exercise akibawl laitak in mi tampitak in enzihziah uhhi. Vanleng akiatkhit ciangin akiatna phualah akipai laitak, buannawi lakah mi tampi aomlaitak leh vanleng themneng mei akuan ziahziah laitak cihte ki muthei hi.

Beijing News te genkhiatna ah hih galkap vanleng “Military Aircraft” akiatna munpen Suiyang County sung aom Zhengchang Township akia hi ci’n genkhia uhhi.

Hih galkap vanleng akiatna ah asi aliam cihte aki pulakkhia omnailo a, Air Force te’nzong bang vanleng namhiam cih genkhiatna omnailo hi.

Air Force te’n Statement atomno khatbek khahkhia uh a, Guizhou sungah kisinna in Domestic Flying Exercise akibawl laitak in Air Force te vanlengkhat kia hi. Rescue Operation te’n hanciam in aphual ah akansan laitak hi cihciangbek pulakkhia uhhi.

More: Galkap vanleng kiatna pan misi alangdektak ki mukhiazo ta

2016 April khasung inzong galkapte vanleng tawh “Deck Landing Exercise” akisin laitak in J-15 Fighter khat kiasak uh a, Jet Pilot khatin sihlawh ngeikhin hi. Sawltak #zomidaily