Johor Baru datsisai ah mi taihlupna in akizang mawtaw ki mukhiata

Johor Baru datsisai ah mi taihlupna in akizang mawtaw ki mukhiata

Malaysia, Johor Baru, Taman Pelangi Petrol Station ah mithatna, mi taihlupna in akizang BMW mawtaw pen ki mukhiata cih theStar pan kiza hi. Palik thunei ahi Johor police chief Comm Datuk Mohd Khalil Kader Mohd in tua White BMW pen Air Baloi, Pontian aom sathau ciinna “Oil Palm Estate” ah aki nusia cihi.

Tua BMW pen a nambar “Registration Plate” omlo in, Oil Palm Estate sungah akinusia ahihi ci’n Police Chief in tuni Wednesday ni in Press Conference ah genkhia hi.

Hih BMW mawtaw pen datsisai ah mithatna in akizang namkhat ahihi. Abeisa December 17 ni in kum 44 aphakhin pasalkhat datsisai ah mi 4 in lencip in, temta tawh a awmsung adawt sakkhit uhciangin, hih mawtaw tawh nihveitak taih uh ahih manin, tuapa in sihlawh hi. Hih mawtaw pen mithatna hiamin akizang Weapon khat ahihi.

Zanni nitaklam 3pm hunpawl in khuasungmi te’n Oil Palm Estate sungah hih mawtaw akinusia amuhkhak uhciangin Police te zasak uh a, tuapan in migilo te zat mawtaw ahihlam akitheikhia ahihi.

Hih datsisai kithatlupna vaitawh akiman pen mi 15 bang phakhin a, tualak ah mi 4 pen thusitna kineikhin in, ki khahkik cihi.

Adang mi 3 pen hih kithahlupna vaitawh kisailai ahih manin, tua mi 3 te mattheih nadingin aki hanciam laitak hi ci’n Police Chief in genbeh hi.

Hih Johor Baru datsisai kithatna vaipen akithahlian laitakzong Video kizaihkha in, Social Media ah kithehzak ahih manin, Malaysia mipi te’n alunglut mahmah Murder Case khat ahihi.

Asipa pen kum 44 aphakhin khat hi a, “Ah Chiu” cihtawh akithei hi a, ahi zongin amintaktak pen Tan Aik Chai kici in, amahzong migilo makai “Gang Leader” khat kici hi.

Hih Johor Baru datsisai ah kithahlupna pen guihtheih khamtheih vankham azuak Drug Dealer te kici hi.

More: Malaysia, Shah Alam vengsung ah Myanmar gammi khat alawm te’n thatlum

Asipa Ah Chiu ii aluanghawm pen nung Thursday zingsanglam 9:50am hunpawl in Jalan Skudai aom Nirvana Memorial Centre panin Melaka ah kipuak a, tualai ah kivui cihzong kiza hi.

Asipa ii azipen Vietnamese gammi hi a, ata hidingin aki ummawh pasalno naupangkhat tawh Bus tungtuang in apasal ii siluang puakna mawtaw nungah zui uh cihi. Bernama te pulakna ah asipa in tapasal 3 nei ci uhhi. Sawltak #zomidaily