Dahpihna thupuak ~ Pa Thang Lian Mang (Gualnam)

Date: April 7, 2016
Kawlgam sung Phaiza khua pan in leitung nuntakna nopzawkna ding ngimna tawh USA gamah innkuan in a lal, Pa Thang Lian Mang (Gualnam) in sin natna leh tuap natna kigawm khawm, sung lam natna lian hangin nimit April 7, 2016 zanlam nai 2:40 am tulai tak in a tenna Buffalo khuapi, NY ah hong nusia hi. Leitung ah a nutsiat a zi leh tate tawh a kibangin Zomi Innkuan USA in nakpi takin dahpih in i thuakpih hi.

Pa Thang Lian Mang in leitung ah a it mahmah a zi leh a tate (pasal 1, numei 3) nusia in a belh Pasian kiangah a ma tangtawn gam dingah hong paisan a hihi.

Pa Thang Lian Mang tawh leitung ah hun nunung zat khop ding pen April 10, 2016 (Sunday) ni hi ding cih kiza hi. A ma omna pawlpi Zomi Christian Church- Buffalo i innteekna tawh hun kibawl ding cih zong kiza hi. Hanmuan hun gelna leh zat zia ding khempeuh zong a ma pawlpi in gel ding cih kiza hi.

Pa Thang Lian Mang in i biak Pasian kiang hong ciahsan ta a hih manin a dah a kap sanggam u le nau, a zi leh tate, nu le pa leh inn sung dongta khempeuh tungah hehnem siampa Khasiangtho in hehnepna hong piak ta sak ta hen!

Executive Committee
Zomi Innkuan USA
U.S.A