1. Pope Francis in zanni in biakna makai khempeuh maiah thu gen a, “Biakna min paulam a ngongtatna leh siat tatna cihte khempeuh a maan lo hi cih thu gen khia ngam ciat ni” ci in biakna makaipi tenh hanthawn hi.
2. Damlo cina khat in a natna thuak ngap nawn mahmah lo in, si nuam zaw in a cih tanghial leh ama thukimna tawh siavuan ten a si dingin bawl in panpih thei hi cih thukhun pen Washington DC in amau state sungah mipi zuih theih dingin thukhun picing khat in kipsak ta uh hi.
3. Hillary pen biakinn a tun nawh khol loh hangin Methodist pawlpi pan ahihi. Hillary in President hong ngah zenzen leh RC ten suakta takin LST tawh a kituak nasep hoih tampi sem thei nawn lo kha ding uh hi. Tua banah kideidanna pen Hillary in deih ngiat lo ahihmanin biakinn sungah neih kibang kitenna a bawl nuam lo Pasian nasem honkhat in gawtna leh mawhsakna tuak kha ding uh hi.
Trump pen Evangelicals pawlpi pan hi in, aman zong President hong ngah hi zenzen leh biakna suahtaakna (Religious Freedom) taktak om tuan lo ding hi. Bang hang hiam cileh Trump in Muslim te suakta takin zau khah nawn lo zel ding hi. Amah tawh a sem khawm Mike Pence in a genna ah “USA sungah Muslim galtaai ten lut khuan ngah nawn lo dinga, tua mah bangin Muslim bek ahilo Jews leh Christians te adingin zong haksa mahmah ta ding hi” ci hi.
Zomi Quavadis
Comment piaknop aomleh...