Chrome Browser zangte ading Android Update

Chrome Browser zangte ading Android Update

Android Update Phone sungah Chrome Browser zangte adingin Chrome Team te’n Update Release uhhi. Hihpen Chrome Android 39 Version Release hi a, Google Play Store panin Chrome 39.0.2171.59 Version ki Update thei tading hi.

Hih Release Version ah abeina Version sungah a nawngkaisak Bug tampi ki puahpha a, bekthamlo in Performance zong ahatzawding in ki khanto hi ci’n Alex Mineer in genkhia hi.

Chrome for Android thu akicingzaw in na simbeh nopleh hih Link http://www.google.com/chrome/android ah nahawh in.

Zomi Daily website etnading in Chrome Browser pen tulaitak lempenpen hi. Desktop, Laptop tawh ahi zongin, Smartphone, Tablet cihte tawh ahi zongin www.zomidaily.org website nahawh lecin zatnop mahmahding hi.

Banghanghiam cihleh Zomi Daily website pen abeisa sawtpipek akipan “Responsive Design” tawh akibawl ahih mahbangin “Desktop Version” leh “Mobile Version” cihte omlo, kullo hi. Nazat Device peuhpeuh tawh nuamtak in aki entheiding in akibawl ahihi. Desktop Computer nazat leh na Browser Size neusakzel, golsakzel lecin Zomi Daily website pen amathu in akituak lianlian dingin hongki Resize dinghi. Tuapen “Responsive Website” cihna ahihi.

Tuaban ah Zomi Daily website et nadingin “Android App” leh “Apple iOS” cihte ki bawltuam tuanlo hi. Banghanghiam cihleh Responsive Design ahih mahbang in nazat Desktop, Mobile Phone, Tablet khatpeuhpeuh ah nawngkaina omlo in nuamtak in aki entheiding in akibawl ahihi. ZD Sawltak #zomidaily