Christian Hymn te’ tangthu: Ka Zai Deih Aw, Va Leeng In

Wing Away, Song of My Soul
Tuan Khan Mung (1960- )
English rendering by Rev. S.T. Hau Go (1920-1996)

Tedim kama labu hoihpen hong bawlsak Rev. S.T. Hau Go in Xristian La, Tedim Kam sung laimai xiv a a gen bangin Christian Hymn-te’ Tangthu laibu hibang ka bawl buangin eimi tualsuak khat’ phuah khat hel nopna lungsim ka nei hi. Pasian’ hehpihna tawh ei Zomite thu leh la a va mahmahte i hi a, taanglai i pu i pate bangin thupi khatpeuh a gen nop uh ciangin la dawng khat-in na gen uh a, mangngilh nawn het lo-in a khang a khangin kiciamteh suksuk laimawk hi.

Christian upna ah i khan ciang leuleu-in Pasian in la phuaksiam tampi hong pia a, T.S Khai, Zogam Lalpu, Zolimtui Thawng Kim, Tua Mungte-a kipan la ngaih dawng tampipi a phuak laphuaksiam mi tampi khang khin hi. Tuate’ lakah a taangthu leh a phuahsa hih la’ pianzia a kigenna a om ngeisa Rev. Tuan Khan Mung (Tua Mung)’ phuah hih la “Ka Zai Deih Aw, Va Leeng In” (Wing Away, Song of My Soul) kong hel hi. Rev. S.T. Hau Go in Xristian La, Tedim Kam sung laimai xiv-a a gen bangin kong genkik mai ding hi.

“La hih zahta tei a, labu hih cia ka bawl buangin, eimi tualsual khat’ phuah, a kilawm om leh guang nuam ing, ci a ka kankan laitakin, Tonzangte, Sia Vial Nang’ pawlpi panin tangvalno Tuan Khan Mung’ phuah, “Ka zai deih aw, va leeng in” ka za kha zenzen a, ka bil le ka lungsim hong su pah lek hi. A phuakpa’ kiangah, ka labu bawlna sungah guan theih nading ‘copyright’ ka nget leh ong pia hi.

“Hih la pen a thu luan zia, a aw pai zia, mi siam dangte aa mah baan ka sak tham loin, a thu le a la aw tonin kihual khawm in kilawm ka sa mahmah hi. A thu a haksatna munte-ah a aw zong kalsuan tawng geihgeihin, ama taang-a la a sawlnate-ah la aw zong leeng diaidiai hi. Mual le guam kaan-a pai nadingah a kalsuan zong hi liapliap pahin, tuate tungah la pen a khaak om lo-in leeng viauviau hi.”

Hih laphuakpa Rev. Tuan Khan Mung bel Tozang khua ah 1960 kumin suaka, Tonzang SHS pan tan 10 a zawh khit ciangin MICT, Insein pan LTh, ZTC, Falam pan BTh zo a, MIT< Insein panin MDiv ngah hi. 2002 kuma kipanin Singapore ah Bachelor of Church Music (BCM) a sin laitak ahi hi. 1988 kuma kipan pastor nasep kipana, 1991 kuma panin 2000 kum dong Tonzang khua Vial Nang Memorial Baptist Church ah senior pastor-in om hi.

2001 – 2002 sung TTBA Mission Secretary sem ngei hi. Kimawlna lam zong va mahmah a, Tonzang Township leh Chin State Football Selected-in kimawl ngei hi. ZBC la kidemna ah mi solo, duet lasaknate ah a khatna ngah ngei hi. Gam leh minam itna leh Pasian phatna la tampi phuaka ngaih thei mahmah hi.

Hih la Mangkama a tei Rev. S.T. Hau Go bel a pa Tual Hang leh a nu Awn Niangte’ sung panin October 30, 1920 ni-in Tedim uk sung Lailui khua ah suak hi. Sagaing panin Kawllai distinction tawh tan 10 zo hi. College kah theih nading scholarship kum 5 sung sang hi.

Judson College pan B.A. ngah hi. 1946 kumin Madras University panin M.A (Philosophy) ngah hi. 1950 kumin America gam va pai-a Phildelphia khua-a Eastern Baptist Theological Seminary panin M.R.E. ngah leuleu hi. 1947 kumin Luan Za Cing tawh kiteeng uh a, tanu tapa 8 nei uh hi.

America gam panin hong tun kik ciangin missionary Rev. F.O. Nelson leh Rev. Robert Johnson-te tawh kithuah-in Falam gam tavuan la hi. 1953 kum Zomi Baptist Convention a kiphuat ciangin General Secretary masapen-in kiteel hi. Kum thum a sep khit ciangin kum thum sem kik dingin a kiteel hangin a cidam lo-a 1957 kumin khawl hi. March 1, 1996 ni-in Yangon khuapi-a a inn panin Topa’ kiang hong zuatsan hi. Eimite’ sungah lai siampen, thu leh la a vapen khat ahi hi. A khan sunga a sep tampite’ lakah Tedim kama Christian la ngaih tampi hong teikhiatsakte a manphapen khat-in ka ciamteh hi.

Bibliography

(Hih laibu a gelhna ah a nuai-a laibute lak panin pawlkhat ki-ena, a kingah zo lo zong pawlkhat om hi. Christian hymn-te’ tangthu a kan mi khatpeuh in a zon beh theih nading ci-in laibu pawlkhat kong gual hi.)

• Bailey, Albert E. The Gospel in Hymns. New York: Charles Scribner’s Sons, 1950.
• Barrows, Cliff, ed. Crusade Hymn Stories. Chicago: Hope Publishing Co.,1967.
• Benson, Louis F. The English Hymn. New York: George H. Doran Co., 1915 (Reprint- John Knox Co., 1962)
• Blanchard, Kathleen. Stories of Favarite Hymns. Gannd Rapids: Zondervan, 1940.
• Brown, Theron, and Hezekiah Butterworth. The Stories of the Hymns and Tunes. New York: George H. Doran Co., 1906.
• Clark, W. Thornton. Stories of Fadeless Hymns. Nashville: Broadman Press, 1949.
• Davies, James P. Sing With Understanding. Chicago, Illinois: Covenant Press, 1966.
• Douglas, Charles W. Church Music in History and Practice. New York: Charles Scribner’s Sons, 1937. Revised 1962 by Leonard Ellinwood.
• Emurian, Ernest K. Living Stories of Famous Hymns. Boston: W. A. Wilde Co., 1955.
• Gabriel, Charles H. The Singers and Their Songs. Winona Lake, Indiana: The Rodeheaver Co., 1915.
• Emurian, Ernest K. Forty Stories of Famous Gospel Songs. Grand Rapids: Baker Book House, 1959.
• Erickson, J. Irving. Twice-Born Hymns. Chicago: Covenant Press, 1976.
• Frost, Maurice. Historical Companion to Hymns Ancient and Modern. London: William Clowes and Sons, 1962.
• Hagedorn, Ivan H. Stories of Great Hymn Writers. Grand Rapids: Zondervan.1949.
• Hustad, Donald P. Hymns for the Living Church. Carol Stream, Illinois: Hope Publishing Co., 1978.
• Hustad, Donald P. Dictionary-Handbook to Hymns for the Living Church. Carol Stream,Illinois: Hope Publishing Co.,n.d.
• Hustad, Donald P. Jubilate! Church Music in the Evangelical Tradition. Carol Stream,Illinois: Hope Publishing Co., n.d.
• Julian, John. A Dictionary of Hymnology. New York: Charles Scribner’s Sons, 1892. Grand Rapids: Kregel Publications, 1985 (Reprint)
• Kerr, Phil. Music in Evangelism and Stories of Famous Christian Songs. Glendale, Cali fornia: Gospel Music Publishers, 1939.
• Lillenas, Haldor. Modern Gospel Song Stories. Kansas City, Mo.: Lillenas Publishing Com pany, 1952.
• Loewen, Alice, Harold Moyer, and Mary Oyer, Exploring the Mennonite Hymnal: Hand book. Newton, Kans.: Faith and Life Press, 1983.
• Marks, Harvey B. The Rise and Growth of English Hymnody. New York: Fleming H. Revell Co., 1938.
• McCutchan, Robert G.. Hymn Tune Names, Their Sources and Significance. New York: Abingdon Press,1957.
• McCutchan, Robert G.. Our Hymnody: A Manual of the Methodist Hymnal, second edi tion. New York and Nashville: Abingdon-Cokesbury Press, 1942.
• Osbeck, Kenneth W. 101 Hymn Stories. Grand Rapids: Kregel Publications, 1982.
• Osbeck, Kenneth W. 101 More Hymn Stories. Grand Rapids: Kregel Publications, 1985.
• Peterson, John W. The Miracle Goes On. Grand Rapids: Zondervan, 1976.
• Reynolds, William J. Hymns of Our Faith, A Handbook for the Baptist Hymnal. Nashville: Broadman Press, 1964.
• Reynolds, William J. Companion to the Baptist Hymnal. Nashville: Broadman Press, 1976.
• Reynolds, William J. and M. Price. A Joyful Sound. New York: Holt, Rinehart, and Winston, 1978.
• Routley, Erik. Hymns Today and Tomorrow. New York: Abongdon Press, 1964.
• Routley, Erik. Hymns and the Faith. Grand Rapids: Wm. B. Eerdmans, 1968.
• Rudin, Cecilia Margaret. Stories of Hymns We Love. Chicago: John Rudin and Co. Inc., 1945.
• Ruffin, Bernard. Fanny Crosby. New York: United Church Press, 1976.
• Ryden, Ernest Edwin. The Story of Christian Hymnody. Rock Island, Illinois; Augustana Press, 1959.
• Sallee, James. A History of Evamgelistic Hymnody. Grand Rapids: Baker Book House, 1978.
• Sankey, Ira D. My Life and the Story of the Gospel Hymns. New York: Harper and Broth ers Publishers, 1906.
• Sanville, George W. Forty Gospel Hymn Stories. Winona Lake, Indiana: The Rodeheaver- Hall-Mack Company, 1943.
• Sellers, E. O. Evangelism in Sermon and Song. Chicago: Moody Press, 1946.
• Shea, George Beverly with Fred Bauer. Songs That Lift the Heart. Minneapolis: World Wide Publications, n.d.
• Smith, Alfred B. Al Smith’s Treasury of Hymn Histories. Greenville, SC.: Better Music Publications, Inc., 1985.
• Smith, Oswald J. Oswald J. Smith’s Hymn Stories. Winona Lake, Indiana: The Rodeheaver Co.,1963.
• Stebbins, George C. Reminiscences and Gospel Hymn Stories. New York: George H. Doran Co., 1924.
• Sydnor, James R. The Hymn and Congregational Singing. Richmond: John KNox Press, 1960.
• Thompson, Ronald W. Who’s Who of Hymn Writers. London:Epworth Press, 1967.
• Wake, Arthur N. Comapanion to Hymnbook for Christian Worship. St. Louis, Mo.: The Bethany Press, 1970.
• White, Edward E. Singing With Understanding. Warburton, Victoria, Australia: Signs Publishing Company, n.d.

Rev. Zam Khat Kham
Christian Hymn te’ tangthu 2005